Menu principal

Menu principal

Timijwin timeqqranin: Iger-d Chanegriha tiɣri i usmemmi n tarrayin d titrarin

Yeffeɣ-d ass n : Asinas, 08 Dujembeṛ 2020 12:29   Ɣran-t : 6 n tikkal
Timijwin timeqqranin: Iger-d Chanegriha tiɣri i usmemmi n tarrayin d titrarin

LEZZAYER TAMANEƔT – Iger-d tiɣri ujiniṛal n tfekka n tredsa Said Chanegriha, aɣella n yiɣallen n Tredsa Taɣerfant Taɣelnawt, ass n uynas deg Lezzayer Tamaneɣt, i usmemmi n tarrayin d tetwilin tussnanin d titrarin i lmend n uqabel n tmijwin timeqqranin d twuɣa tigamanin yernu yessefk ad d-yili waya s uheyyi n tezrawin tisnazranin d usbeddi n tsemsedda i lmend n usejhed n unmireg gar tsuda yemgerraden ay terza temsalt n usefrek n twuɣa.

Deg tinawt n urẓam n usarag aɣelnaw s uzwel n « Aḥezzeb d usefrek n tmijwin timeqqranin: i lmend n usejhed n unmireg aɣarim-aredsan » ay yettwassuddsen deg Twinest Taɣelnawt n Tredsa, iwekked-d ujiniṛal n tfekka n tredsa dakken asarag-a yella-d d tagnit i ukcaf n yidisan yemgerraden n tmijwin timeqqranin d twuɣa tigamanin d uxeṣṣar ayyes d-gellunt.

Ɣef waya, wid ay terza temsalt yessefk ad smemmin tarrayin d tetwilin tussnanin d titrarin i uheyyi n tezrawin tisnazranin d tsemsedda i usejhed n unmireg gar tsuda ay terza temsalt n usefrek n twuɣa tigamanin, ɣef wakken ay d-yenna yiwen n ulɣu n uɣlif n umzaɣ aɣelnaw.

« Deg tezwara n tinawt-a n urẓam, ad sneṣfeɣ s Massaw d Massawat ay iḥedṛen da yernu ad ken-snemmreɣ imi ay d-terram ɣef uneɛruḍ-nneɣ akken ad tḥedṛem deg usarag-a ay yessuddes uɣlif n umzaɣ aɣelnaw  usentel n 'Aḥezzeb d usefrek n tmijwin: I lmend n usejhed n unmireg aɣarim-aredsan », ɣef wakken ay d-iwekked ujiniṛal n tfekka n tredsa deg tinawt-a ay ḍefen yikataren d yimahalen n Tredsa Taɣelnawt Taɣefant deg unzaḍen n yiɣallen, timnaḍin tiredsanen d tyunin timeqqranin.

Yenna-d daɣ dakken « asarag-a d win ara d-ikecfen udmawen yemgerraden n tmijwin timeqqranin d twuɣa tigamanin, tussurt-nsent tibawt d uxeṣṣar-nsent, ladɣa imi ay llant d tuggza ɣef tmeddurt n yimdanen, iskaren n tmeddurt d unagraw awennaḍan, yernu nettwali, tagara-a, dakken rnant twuɣa deg umaḍal ama seg yidis n umḍan, ama seg yidis n tneẓẓi, yernu yella-d waya d unjug n tidet i unegmu unzig ».

 

 

Timijwin timeqqranin: Iger-d Chanegriha tiɣri i usmemmi n tarrayin d titrarin
  Yeffeɣ-d ass n : Asinas, 08 Dujembeṛ 2020 12:29     Taggayt : LEZZAYER     Ɣran-t : 6 n tikkal   Bḍu