Menu principal

Menu principal

Tiniri Tutrimt: Anmazal n Lezzayer deg Bogota yules iwekked-d addud n Lezzayer

Yeffeɣ-d ass n : Akwas, 12 Wamber 2020 10:42   Ɣran-t : 2 n tikkal
Tiniri Tutrimt: Anmazal n Lezzayer deg Bogota yules iwekked-d addud n Lezzayer

 

BOGOTA – Yules iwekked-d unmazal n Lezzayer deg Bogota (Kulumbya), Ahmed Hachemi, addud ur yettbeddilen n Lezzayer ɣer yidis n temsalt tawnirit, d tin ay d-yettwagmen seg Tesguri n 1u n Wamber d wazalen n Umgaru n Uslelli Aɣelnaw ay yennuɣ uɣref azzayri mgal usehras afṛansi, am wakken ay yules iwekked-d adhal n Lezzayer i uzref n uɣref awniri i uguccelman.

 

Deg yiwet n tinawt s usarag n teẓrit seg Bogota i lmend n usfugel n umulli wis 66 n tnekra n Umgaru n Uslelli Aɣelnaw amangan, yesmekti-d unmazal azzayri s uzamul n usfugel-a ay d-yeɣlin, aseggas-a, d udɣar n uɣref azzayri i ucegger n tmenḍawt i Lezzayer tamaynut.

 

I lmend n waya, yenna-d dakken Lezzayer ad teqqim d tamekdit i waddud-nnes deg wayen yerzan timsal n yiɣerfan awniri d ufalesṭini d yizerfan-nsen ireslanen d wuzrifen akken ad sɛun iwanaken d imzarugen deg yikalen-nsen.

 

Ass n usinas, yernu deg ukatar n usfugel n umulli n 1u n Wamber 1954, rran-as initen n tekbabt tazzayrit i Taṭṭaft n Colpatria yellan d azadaɣ aɛlayan deg temdint n Bogota.

 

Seg yidis niḍen, tules twekked-d Lezzayer, acḥal d tikkelt, addud-nnes n udhal n tifrat i temsalt n Tniri Tutrimt, d tin ara iḍemnen azref n uɣref awniri i uguccelman s uzrak n tneɣtusin yeqqnen ɣer temsalt-a ay tettwasmemmin deg Useqqamu n Tɣellist d Ugraw Amatu n Yiɣlanen Yeddukklen deg ukatar n Tnettamt n Yiɣlanen Yeddukklen.

 

 

 

 

Tiniri Tutrimt: Anmazal n Lezzayer deg Bogota yules iwekked-d addud n Lezzayer
  Yeffeɣ-d ass n : Akwas, 12 Wamber 2020 10:42     Taggayt : LEZZAYER     Ɣran-t : 2 n tikkal   Bḍu