Menu principal

Menu principal

Tuɣal-d tẓallit n usimwas ɣur tmesgidiwin n tmurt s tumert akked uqader n wakaten n uḥzzeb

Yeffeɣ-d ass n : Asiḍyas, 07 Wamber 2020 18:28   Ɣran-t : 5 n tikkal
Tuɣal-d tẓallit n usimwas ɣur tmesgidiwin n tmurt s tumert akked uqader n wakaten n uḥzzeb

LEZZAYER  TAMANEƔT - D imiḍiyen n wagimen n yimeẓẓulla i yeẓẓullen, deg mennaw n yigezda n tmurt, taẓallit n usimwas (lǧemɛa) s tumert akked uqader n wakaten n uḥzzeb, seg tettwakkes 7 wayyuren aya ɣef ssebba n waṭan n unfafad bu tesmert (Covid-19), akka i walan yineɣmasen n Tnegga n Yisalan n Lezzayer.

Taẓallit n tasimwasant (lǧamuɛa) teḍra-d deg tmesgadiwin ilan akettur n urmas n wugar n 1.000 n yimeẓẓulla, aya s usnas n uɣtas n Uselway n Tegduda, Mass Abdelmadjid Tebboune, yerzan tukksa n uḥbas n tẓallit n usimwas (lǧemɛa), seg teḥbes azal tura n wugar n sa n wayyuren ɣef ssebba n waṭan n unfafad bu tesmert.

Deg yigezda n Ugemmuḍ, ladɣa deg Qsenṭina, ẓẓullen yimeẓẓulla taẓallit n usimwas (lǧemɛa) s uqader n tmelsiwt n tgelmust, asmahel n tgertilt neɣ tarakna n yiwen n umdan i tẓallit akked usmecceq afekkan, deg tmesqidiwin n yiɣefdeg n ugezdu, ladɣa deg tmesqida n Emir Abdelkader akken daɣen tin yellan deg ugezdu adeblan, Ali Mendjeli, akka i nwala din.

Tṛuḥ Tnegga n Yisalan n Lezzayer, ɣur tmesqida Ahmed Hamani n Ali Mendjeli, temmeslay akked yiwen n umeẓẓallu, isem-is Abdeslem, yefreḥ s tuɣalin n n tẓallit tasimwasant (lǧamuɛa) ɣur tmesqida yeɣra-d i uqader n upruṭukul adawsan i la iteddun "i wakken ad idum uɣtas n ulday n yidgen n tẓallit akked tẓallit n usimwas (lǧemɛa)".

Deg tlemmast n tmurt, tẓallit n usimwas (lǧemɛa) teḍra-d, ula d nettat, deg tewtilin igerzen akked uqader n upruṭukul adawsan n uḥezzeb mgal n waṭan n unfafad bu tesmert (Covid-19).

Tuɣal-d tẓallit n usimwas ɣur tmesgidiwin n tmurt s tumert akked uqader n wakaten n uḥzzeb
  Yeffeɣ-d ass n : Asiḍyas, 07 Wamber 2020 18:28     Taggayt : LEZZAYER     Ɣran-t : 5 n tikkal   Bḍu