Menu principal

Menu principal

Teffeɣ-d tanaḍt tasuddsant i useɣnew n warraz n uselway n tegduda i tsekla d tutlayt tamaziɣt

Yeffeɣ-d ass n : Akras, 02 Ctembeṛ 2020 14:59   Ɣran-t : 1 n tikkal

LEZZAYER TAMANEƔT – Teffeɣ-d, deg wuṭṭun aneggaru n Uɣmis Unṣib, tanaḍt tasuddsant i useɣnew n warraz n uselway n tegduda i tsekla d tutlayt tamaziɣt i lmend n usebɣes n unadi d ufares deg tsekla d tutlayt tamaziɣt d usmal-nsen. Arraz-a yerza ama tiṣekkiwin d-yettwarun s tmaziɣt neɣ tisuqqilin seg tutlayuin niḍen ɣer tmaziɣt yernu ad yettunefk i tṣekkiwin timuyafin, gar-asent ula d inadiyen ussnanen deg tesnilest d tsekla, inadiyen deg tgemmi tadelsant tarangant tamaziɣtd yinadiyen ussnanen, isnatwilanen d wid n usemḍen.

Ɣef leḥsab n tanaḍt-a, yessefk ad tettunefk tṣekka taseklant neɣ anadi yernu yessefk ad tili tṣekka-a d tinizert yernu tettwassefter, tettweg s tesnarrayt d tussna yernu ur yewwi ara fell-as bab-nnes arraz uqbel.

Amagrad 13 yebder-d dakken imttekkiyen deg warraz-a yessefk ad len taɣlent tazzayrit yernu ad sɛun ugar n 20 n yiseggasen deg leɛmuṛ-nsen.

Win ara irebḥen arraz amezwaru ad yawi amelyun n yidinaṛen. Wis sin ad yawi 500.000 n yidinaṛen. Wis kraḍ, ad yawi 250.000 n yidinaṛen. Arraz-a ad yettunefk i lmend n usfugel n yiɣef n useggas amaziɣ (Amenzu n Yennayer).

D tasmilt yeqqnen ɣer Useqqamu Unnig i Timmuzɣa ara d-yelhun s ufran n tṣekkiwin yuklalen arraz-a. Imaslaḍen n tesmilt-a ad d-ttwasemmin i tallit n sin n yiseggasen.

Tasmilt n yimgillan ad yili deg-s ugensas n Useqqmau Unnig i Timmuzɣa, sin n yigensasen n yiɣlifen n ulmud imineg, n yidles d usegmi, d ugensas seg Wammas n Unadi deg Tutlayt d Yidles Amaziɣ, kraḍ n yiselmaden yemmuzzgen deg tsekla d tutlayt tamaziɣt, d wid ara d-yessummed Useqqamu Unnig i Timmuzɣa s usemyuddes d yiselwayen n tesdawiyin aydeg llan yisuda n yidles d tutlayt tamaziɣt.

Yuɣ lḥal, yenna-d ya umaru amatu n Useqqamu Unnig i Timmuzɣa, ass n usiḍyas deg Wehṛan, dakken attekki deg warraz-a ad yebdu seg-a ɣef yimalas, akken kan ara d-sdabun imaslaḍen n tesmilt n yimgillan.

 

 

Last modified on Akras, 02 Ctembeṛ 2020 16:08
Teffeɣ-d tanaḍt tasuddsant i useɣnew n warraz n uselway n tegduda i tsekla d tutlayt tamaziɣt
  Yeffeɣ-d ass n : Akras, 02 Ctembeṛ 2020 14:59     Taggayt : LEZZAYER     Ɣran-t : 1 n tikkal   Bḍu