Menu principal

Menu principal

Anfafad bu uqacuc: Iduba ɛewwlen ad smunin imsemhal idamsanen d yimerranen

Yeffeɣ-d ass n : Asinas, 09 Yunyu 2020 13:03   Ɣran-t : 2 n tikkal
Anfafad bu uqacuc: Iduba ɛewwlen ad smunin imsemhal idamsanen d yimerranen

LEZZAYER TAMANEƔT – Iwekked-d uneɣlaf n tmerrit, Hacene Mermouri, ass n uynas deg Lezzayer Tamaneɣt, aɛewwel n yiduba inagduden akken ad smunin imsemhal idamsanen, gar-asen imsaduren n tmerrit, i lmend n usduqqes n yirmuden inezzanen deffir mi ara yettwakkes usekmen ay d-yettwaḥettmen i lmend n ulesses n uzraɛ n tkaɣreft n unfafad takaɣreft.

Deg yiwet n tinawt ay d-yenna i lmend n Tseqqimt Tamnaḍant Tafriqit Tis 63 ay tessuddes Tuddsa Tanmaḍalt n Tmerrit s usarag n teẓrit, yenna-d Mass Mermouri dakken iduba inagduden ddmen tamasit-nsen deg wayen yerzan imsemhal d yimsaduren yernu ad ten-yesmuni i lmend n usduqqes n urmud adamsan. I lmend n waya, ad asen-yessifses tamsalt deg wayen yerzan tiwsi d uḥraz n yimahalen-nsen.

Deg wayen yerzan tasemhuyt n usnebdu n 2020, iwekked-d uneɣlaf dakken tasemhuyt-a teqqen ɣer tukksa n usekmen yernu atni ssewjaden-as-d s usemyuddes d wakk idisan ay terza temsalt, ladɣa aɣlif n ugensu.

Seg yidis niḍen, yenna-d Mass Mermouri dakken amyager-a aydeg ttekkan yineɣlafen n tmerrit n tmura yemgerraden n Tefriqit d tagnit i wallus n uwekked ɣef usejhed n usemyuddes d unmireg gar tmura tifriqiyin deg unrar n tmerrit s umsenfal n termitin d terza gar yimerrayen n umenẓaw, asebɣes n ticcurka gar ugzum anagdud d wuslig d uttekki deg usnegmu n tdumṣikin.

Yella-d daɣ uwekked ɣef usileɣ, asmal n tissnulfa d uselhu n tenḍi ayyes yettwassen umur ameqran seg tmura tifriqiyin.

 

Last modified on Akras, 15 Yulyu 2020 14:35
Anfafad bu uqacuc: Iduba ɛewwlen ad smunin imsemhal idamsanen d yimerranen
  Yeffeɣ-d ass n : Asinas, 09 Yunyu 2020 13:03     Taggayt : LEZZAYER     Ɣran-t : 2 n tikkal   Bḍu