Asafag-a yers-d deg unafag agraɣlan n Lezzayer Tamaneɣt ɣef tis 7:25, deg wakud aydeg d-yewweḍ usafag niḍen uqbel-is, yewwi-d yid-s 266 n Yizzayriyen seg Limaṛat Taɛṛabin Yeddukklen, ɣef wakken ay d-yenna Mass Allache.

Ass n usiḍyas yezrin, Air Algerie terra-d azal n 600 n yimsiklen izzayriyen iweḥlen deg Fṛansa s sin n waffugen ay d-iqelɛen seg unafag afṛansi n Paris-Charles de Gaulle.

Ass n usamas, 229 n Yizzayriyen ay yellan weḥlen deg Meṛṛuk ay d-yeqqlen ɣer tmurt deg usafag n Air Algerie ay d-iqelɛen seg Tgemmi Tamellalt.

Ass n 27 Mayu yezrin, azal n 300 n yiɣermanen izzayriyen yellan weḥlen deg London (Briṭanya Tameqrant) ay d-yeqqlen ɣer tmurt ;

Affugen-a akk llan-d deg ukatar n wahil n usuɣal n yiɣermanen izzayriyen iweḥlen deg uzɣar deffior ma ttwamedlent tlisa n Lezzayer ɣef lǧal n unfafad bu uqacuc.

D tinmuhal n Lezzayer deg tmura anda ay weḥlen Yizzayriyen, ay d-yelhan s usuɣal n yiɣermanen yeɣsen ad d-qqlen ɣer tmurt yernu yettili-d waya s wazzun n umayel neɣ n usamas i tenmuhal-a.