Menu principal

Menu principal

Djerad yerra tajmilt i wussisen d tɣersawin n tfekka tasnajyant deg umennuɣ mgal unfafad bu uqacuc

Yeffeɣ-d ass n : Asimwas, 05 Yunyu 2020 13:06   Ɣran-t : 2 n tikkal
Djerad yerra tajmilt i wussisen d tɣersawin n tfekka tasnajyant deg umennuɣ mgal unfafad bu uqacuc

LEZZAYER TAMANEƔT – Yerra tajmilt uneɣlaf amenzu, Abdelaziz Djerad, ass n ukwas deg Lezzayer Tamaneɣt, i wussisen n tfekka tasnajyant yellan deg yizirig amezwaru deg umennuɣ mgal tkaɣreft n unfafad bu uqacuc, am wakken ay d-iwekked dakken tazalɣi n « ɛacir » ay yefka uselway n tegduda i kraḍ n yimahalen n tdawsa ay yemmuten seg waḍḍan-a d tajmilt i tɣersawin-nsen yernu ismawen-nsen ad d-qqimen dima deg tkatut n uɣref azzayri.

Deg yiwet n tinawt ay d-iga deg tfugla n tukci n tzalɣiwin-a s yisem n uselway n tegduda, Abdelmadjid Tebboune, i kraḍ-nni n yimahalen n tdawsa ay yewwḍen leɛfu n Yuc ɣef lǧal n waḍḍan n n ufafad bu uqacuc (Si Ahmed El-Mahdi, Tadukturt Wafa Boudissa d umesmenḍay Djamel Talhi), yenna-d Mass Djerad  dakken aselway n tegduda yerra tajmilt i wakk imahalen n tdawsa, ama d imsujjiyen, d idisnujyanen d yimahalen niḍen n ugzum n tdawsa yellan akk d aḥric seg « tredsa tamellalt ».

Tajmilt-a ad teqqel i yimahalen n tdawsa s kraḍ seg warraw n Lezzayer ayɣef ara yecfu uɣref azzayri d amedya n tidet n tɣersawt, ɣef wakken ay d-yenna uneɣlaf amenzu deg tfugla-a ay d-yellan s tihawt n yisemtaren n tselwit n tegduda Abdelhafidh Allahoum d Aissa Belakhdar, kra n yimaslaḍen n unabaḍ d twaculin n yimeṛḥumen.

Yerra uneɣlaf amenzu tajmilt i Upṛufisur Si Ahmed El Mahdi ay yellan, seg wasmi ay d-yebda umennuɣ mgal uzraɛ n unfafad bu uqacuc, deg yizirig amezwaru, ɣer yidis n yimidawen-nnes. « S tmettant-nnes, nesṛuḥ argaz d ameqran yesɛan tiẓdarin aydeg ur yelli ccek yernu yettwassen s tissudert d teẓralest-nnes, am wakken daɣ ay tewweḍ leɛfu Wafa Boudissa yellan s tadist deg tegnit-a taweɛṛant ay iḥuzan akk Izzayriyen », am wakken ay yerra daɣ tajmilt i Djamel Talhi yellan d « asaḍ », d win ay d-yenṭeḍ waḍḍan n unfafad bu uqacuc mi yella yessawaḍ imuḍinen ɣer usegnaf n Bufarik yernu aɣref azzayri ad yecfu ɣef « tebɣest d umiḍwel » n urgaz-a.

Yessaweḍ daɣ tamella uneɣlaf amenzu i wakk wid yemmuten seg tkaɣreft-a, ama d iɣermanen, ama d imaslaḍen n tmetti taɣarimt ay ibedden deg yizirig amezwaru mgal tkaɣreft-a.

 

Djerad yerra tajmilt i wussisen d tɣersawin n tfekka tasnajyant deg umennuɣ mgal unfafad bu uqacuc
  Yeffeɣ-d ass n : Asimwas, 05 Yunyu 2020 13:06     Taggayt : LEZZAYER     Ɣran-t : 2 n tikkal   Bḍu