يمسلايد ذڨ تمسوالين ن راديو تافلناوت، ماس صنهاجي يناد داكن "تيمسيزلت تاڨراغلانت ئيد يضران غف وين أرا ذ ياوين تيڨزايين مڨال ن ؤنفافاد بوتسمرت (كوفيد-19) تساوض لزاير أكذ مناو ن تمورا نيضن أكن أذ فرنن أسمسكل ن تڨزايين"، يناد غف وغتاس أيا "ينفع يرنا إواثا أشكو ذ ألال أيوانن إي واكن أذ نقبل إي مازال يزڨا ذ إميهي إي تالسا".
يرنا يناد: "أك تيڨزايين وهانت غر ييون ن يسوي: أفارس م تمڨال – فكا مڨال ن ؤنفافاد بوتسمرت (كوفيد-19)، أمڨارذ يلا كان ذڨ تارايت ن وغرف نسنت، أسمسكل ذڨ تيوين ن تڨزايين مڨال ن ؤنفافاد بوتسمرت (كوفيد-19) ؤلاش ذڨس أميه يغف تذاوسا ن ؤغرمان".
أد نسمكثي داكن أنغلاف ن تغوالت أموثلاي ن ؤنباض عمار بلحيمر إشارد ملمي كان داكن لزاير ترمسد أكولي ن تڨزايت ن مڨال ن وضان ن ؤنفافاد بوتسمرت (كوفيد-19)، ئيد يكان سي تمورث ن شينوا، "سند أذ يكفو وايور ن يناير إذڨ نلا"، يسديد داكن "ؤڨار تاڨزايت تاروسيت، لتتراجو لزاير أذ تيديوض ؤكزلي ن تڨزايت مڨال ن ؤنفافاد بوتسمرت (كوفيد-19) ئيد يكان سڨ تڨذوذا تاغرفانت ن شينوا".
