امولي ويس 70 ن ومڨارو امناڨان ن وسللي

لزاير ثامناغث -اد ثسفوڨل لزاير، اس ن وكراس، اس اغلناو ن ومجاهذ، يسفوڨولن امولي اسلاڨ ن واڨير ن وڨافا ن قسنطينة (20 غوشث 1955) ذ وسماناي ن صومام (20 غوشث 1956)، يرنو تي ذ سناث ن تذيانين ثيمقرانين د يسكاناين اذهال ن وغرف ازايري أي ثڨراولا ثامانڨانت ذ ثسمذنا ن ييمضبرن ن ترذسا ن وسللي اغلناو. اڨير ن وڨافا ن قسنطينة، د يلان اس ن 20 غوشث 1955، ذ وين يفكان ثامسيرث أي ثرذسا ثاهرسانت أي يلان ثفيل ذاكن ثلا ثزمر اذ ثغول ثاڨراولا ن وغرف س ووزال ذ ثمسث. اسماناي ن صومام، د يلان اسڨاس ساكين، ذڨ واس ن 20 غوشث 1956، ذ وين د يلان ذ اياغان اقرضال اما سڨ ييذيس اسرثان ذ ورذسان يرنو يسكن د ذاكن اغرف ازايري ؤر ايكنو ارا داو ثذانكيث ن تماشينت ثارذسانت ثاهرسانت، اكن أي ت ايد ايوكذ ؤسلواي ن تڨذوذا ماس عبد المجيد تبون، د ينان ذاكن ينزا ذاكن 'ثيزايريين ذ ييزايريين، ايذڨ ثزا ثكذيث ن ييزمن ن وامبر، اد كملن اد سحبيبيرن غف لزاير نغ ثاعزيزث يرنو اد حرزن ثاغليسث، اركاذ ذ تيلهيليث نس'. اڨير ن وڨافا ن قسنطينة يسكاناي د ثاميامازث ثابلانت ڨار وغرف ازاير، س واك ثاڨايين نس، ذ ييمضبرن ن ترذسا ن وسللي اغلناو. تا ذ ثاميامازث أي ثورم فرنسا ن ثاهرسانت اد ت ثرز س واك أماكن س وذلقم س ثكريضث ؤر ايلين ثوثا ذڨ مناو ن تمناضين، يرنو ثوض ثكريضثا غر ثقاشوشث ن تيواڨنت ذڨ ونارير ن سكيكدة ماني ذ ثلا ييوث ن تذالوسث ذ ثامسولسث ماني أي غلين ييڨيمان ن ييزايريين ذ ايمغروسن، تواسللكمن يرنو زلين ثن ذڨ ثسررفين ثوبليڨين. اڨيرا ذ وين أي ايدرون ذڨ وسموسم ن تمسالت ن وغرف ازايري أي يڨومان اد يذر داو ؤزاڨلو اهرسان، يرنو ذ أيا أي يساوضن غر ؤسيڨز ن تمسالت ثازايري، ذڨ ثمبر ن 1955، ذڨ واهيل ن واس ن وڨراو اماثو ن ييغلانن يدوكلن س ييسم نس ذ تامسالت ن وسللي اغلناو يرنو ماشي ذ امينكاف اڨنسي اكن أي ثلا ثنتل ايت ايد فرنسا ثاهرسانت. كرا ن وايورن ذفير ما ثنكر د ثڨراولا، يغثس زيغود يوسف، انمغور ن واسون II(اڨافا ن قسنطينة)، ذ ومالال نس، لخضر بن طوبال، اد د شيرن د اماثو مڨال ييسوغاذ ايشنڨا ذڨ ثمناضثا، س وذراو ن ييڨيمان ن ييمكرازن، غر ييذيس ن ييمنغان ن ترذسا ن وسللي اغلناو، يرنو لان د س وايا يينطاڨن مڨال واماسن ن تمسولتا، ايباركيين ن تمسثلا، ايزاذاغن ايناڨذوذن ذ ثسنتيين ن ييمهراسن. اساغذ نتا ذ اسنفسو ن واداذ يلان غف ثمناضث ن ووراس ذ مناو ن تمناضين نيضن أي ثسوثل ثرذسا ثاهرسانت سڨ واسمي أي د ثمكر ثڨراولا. امولي اسلاڨ ن واڨير ن وڨافا ن قسنطينة ذ وسماناي ن صومام: ذ امذيا ن وذهال اغرفان أي ثڨراولا ذڨ ثيذت، اسماناي ن صومام فلالين د سڨ ييغثاسن ذ اميزرويانن. س وايا، اناڨاو ن وبطو ن تمورث غف سموس ن واسونن د يلان سڨ 1 وامبر 1954 كسن ت يرنو ؤلسن بضان ثامورث غف يضيسث ن تويلايين يبضان ذ اسنن، ذ ثيمناضين ذ ييڨزومن، سدوكلن ثارذسا ن وسللي اغلناو ذڨ وسوير اغلناو ذڨ وأين يرزان ثامصوكث ذ ييسلونن نسن يرنو ران ت ام ثرذسا ثالوڨانت، سمصكن ثاڨراولا اما سڨ ييذيس ارذسان، اما سڨ ييذيس اسرثان، يرنوفكان ثوزويرث أي ييذيس اصرثان غف ييذيس ارذسان يرنو فكان ذاغ ثوزويرث أي ؤنزاض اڨنسي غف لحساب ن ييذيس ؤفيغ.