اذفل د-يوتن س واطاس ذڨ تويلايت ن تيزي وزو يڨلا-د س ومدال ن وبريذ اغلناو 15 يقنن تيويلاين ن توبيرت ذ تيزي وزو ذڨ تيزي ن تيروردا (تاغيوانت ن إفرحونن)، ذ وبريد اغلناو 33 يقن سنات-أ ن تويلاين ذڨ عسول (تاغيوانت ن وايت بومهدي).

اذفل يرڨل داغ ابريد اغلناو 30 يقن تيويلاين ن توبيرت ذ تيزي وزو ذڨ تيزي ن كويلال (تاغيوانت ن يبوذرارن)، ابريذ ن تويلايت 253 يقن تيويلاين ن بڨايت ذ تيزي وزو ذڨ تيزي ن يشلاضن (تاغيوانت ن يليلتن).

ذڨ تويلايت ن توبيرت، كلسن-د يمژلا ن تمستلت تاغلناوت امدال ن وبريد اغلناو يقن تيويلاين ن توبيرت ذ تيزي وزو ذڨ تيزي ن تيروردا (تاغيوانت ن وغبالو)، ابريذ اغلناو 30 يقن تيويلاين ن توبيرت ذ تيزي وزو ذڨ تيزي ن كويلال (تاغيوانت ن صهاريج) ذ وبريذ اغلناو 33 يقن سنات-أ ن تويلاين ذڨ وكوكر (تاغيوانت ن بشلول) ذ تڨجدا (تاغيوانت ن لصنام).

ذڨ تويلايت ن لبليدة، الوي ن وسوير ن وامان يمذل ابريذ ن تويلايت 110 يقن تيويلاين ن لبليدة ذ تيپازة، س تسدي ذڨ تلماست ن بن حمداني، ذڨ تغيوانت ن بن خليل.

ذڨ تويلايت ن تمسيلت، يبي وبريد ن تويلايت يقن تيويلاين ن تمسيلت ن برج بوعريريج ذڨ يغرم ن ولاد منصور، ذڨ تغيوانت ن لمعاضيد، غف لجال ن وكونر ن وذفل.

ذڨ تويلايت ن برج بوعريريج، يبي وذفل ابريد ن تويلايت يقن تيويلاين ن برج بوعريريج ذ سطيف، س تسدي، ذڨ تغيوانت إن ڨنزات، ابريد ن تويلايت يقن تيغيوانين ن وايت جعفر ذ لقولا، ذڨ وڨلوي ن تغيوانت ن وايت جعفر، ذ وبريد ن تغيوانت ن تغيوانين ن تقلعيت ذ غيلاسا، س تسدي، ذڨ وڨلوي ن تغيوانت ن تقلعيت.

ذڨ تويلايت ن سوق اهراس، ابريد اغلناو 82 يقن سوق اهراس غر طارف يسول يمدل ذڨ تغيوانت ن ولاد دريس، ام واكن يمدل وبريد اغلناو 20 يقن تيغيوانين ن ولاد دريس ذ عين زانا.

مناو ن يبريذن إي يبين غف لجال ن تڨناوت ن ذيري