- تاسلوايت ن وكابار ن تجمع امل الجزائر (تاج)، فاطمة الزهراء زرواطي ذڨ سوق اهراس: "تيسيضفانين ن 2 يوليو ذ اسيهار اغلناو اخاتار ارا يسدوسن اكالا ن ونڨمو ذ وركاد".

- تاونتلايت تاماتوت ن وكابار ن يماهالن، لويزة حنون، ذڨ دزاير تامانغت: "اكابار ن يماهالن يميرو اد يسدوس يكسابن د-تسضرا دزاير ذڨ تغولا يمڨيردن يرنو اد يكمل وسيسن إي وحراز ن يديس انمتي ن واناك".

- اونتلاي اماتو ن وكابار ن ترني ن وسللي اغلناو، عبد الكريم بن مبارك ذڨ تبسكرت: "يسفك اد د-يلي ودراو ذ امقران ذڨ تسيضفانين ن 2 يوليو د-يتدون اشكو تڨنسيسنت-د اسيهار إي وغرف ادزايري اكن اد يسموينت تيمغسيوت-نس إي ودهال ن وكالا ن ونڨمو ذ تمصكيوت ن دزاير تادوسانت ذ تنالاكت".

- اونثلاي اماتو ن وموسو ن النهضة، محمد دويبي، ذڨ سضيف: "س ودراو امقران ذڨ تسيضفانين ن 2 يوليو د-يتدون، اغرف ادزايري اد يضفر ابريد ذ امليل إي وسوڨل ن واواس-نس ذڨ تودما ن يغتاسن".

- اسلواي ن وكابار ن الفجر الجديد ، طاهر بن بعيبش، ذڨ لبيض: "وفرين يسفك اد دمن تاماسيت-نسن توميدت يرنون اد سحبيبرن غف ومزاغ ن وازالن ذ يمنزاين، ذ وسدوسو ن تسودا ن واناك".

- اسلواي ن وكابار ن تللي ذ تغدمت، جمال بن زيادي، ذڨ بوسعادا: "ادراو امقران ذڨ تفرانين تسيضفانين د-يتدون ذ افور إي وسدوسو ن تفلست ڨار وغرمان ذ تسودا ن واناك".

- اونتلاي اغلناو امنزو ن ترني ن يغالن ينملاين، يوسف اوشيش، ذڨ تيپازة: "يسفك اد نحرز تاكاتوت تاغلناوت يمي ايا ذ اغان وقديس".

- اسلواي ن وموسو ن تمتي إي تالويت، عبد العالي حساني شريف، ذڨ سكيكدة: "تيسيضفانين ن 2 يوليو د-يتدون تڨنسيسنت-د افور إي وفران ن تيسوڨريوين إي يزمرن اد اوسنت ذڨ تمدورت تاسرتانت ن تمورت".

تيفرانين تيسيضفانين ن 2026: تيسڨوريوين ن ينسموسن ن تسلفاوت تافرانانت ذڨ واس-نس ويس 9