ⴰⵏⴼⴰⴼⴰⴷ ⴱⵓ ⵓⵇⴰⵛⵓⵛ: 289 ⵏ ⵜⴻⵊⵕⴰ ⵜⵉⵎⴰⵢⵏⵓⵜⵉⵏ, 240 ⵏ ⵜⵓⵊⵊⵢⵉⵡⵉⵏ ⴷ 6 ⵏ ⵜⵎⴻⵜⵜⴰⵏⵉⵏ

Yeffeɣ-d ass n : ⵜⵜⵍⴰⵜⴰ, 08 ⵛⵜⴻⵎⴱⴻⵕ 2020 11:51   Ɣran-t : 0 n tikkal
ⴰⵏⴼⴰⴼⴰⴷ ⴱⵓ ⵓⵇⴰⵛⵓⵛ: 289 ⵏ ⵜⴻⵊⵕⴰ ⵜⵉⵎⴰⵢⵏⵓⵜⵉⵏ, 240 ⵏ ⵜⵓⵊⵊⵢⵉⵡⵉⵏ ⴷ 6 ⵏ ⵜⵎⴻⵜⵜⴰⵏⵉⵏ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⵜⵡⴰⵡⴻⴽⴽⴷⴻⵏⵜ-ⴷ ⵙⵏⴰⵜ ⵏ ⵜⵎⴰⴹ ⵜⴰⵎⵔⴰⵡ ⵟⵥⴰⵜ (289) ⵏ ⵜⴻⵊⵕⴰ ⵜⵉⵎⴰⵢⵏⵓⵜⵉⵏ ⵏ ⵓⵏⴼⴰⴼⴰⴷ ⴱⵓ ⵓⵇⴰⵛⵓⵛ, 240 ⵏ ⵜⵓⵊⵊⵢⵉⵡⵉⵏ ⴷ 6 ⵏ ⵜⵎⴻⵜⵜⴰⵏⵉⵏ ⴷⴻⴳ 24 ⵏ ⵢⵉⵙⵔⴰⴳⴻⵏ ⵉⵏⴻⴳⴳⵓⵔⴰ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⴰⵙⵙ ⵏ ⵓⵢⵏⴰⵙ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⵓⵎⵓⵜⵍⴰⵢ ⵏ ⵜⵙⴻⵇⵇⵉⵎⵜ ⵜⵓⵙⵙⵏⴰⵏⵜ ⵏ ⵓⴹⴼⴰⵔ ⵏ ⵓⵎⵀⴰⵣ ⵏ ⵜⴽⴰⵖⵔⴻⴼⵜ ⵏ ⵓⵏⴼⴰⴼⴰⴷ ⴱⵓ ⵓⵇⴰⵛⵓⵛ, ⴰⴷⵓⴽⵜⵓⵔ ⴷⵊⴰⵎⴻⵍ ⴼⵓⵔⴰⵔ.

ⴰⵖⵔⵓⴷ ⵏ ⵜⴻⵊⵕⴰ ⴷ-ⵢⴻⵜⵜⵡⴰⵡⴻⴽⴽⴷⴻⵏ ⵢⴻⵡⵡⴻⴹ, ⵙ ⵡⴰⵢⴰ, ⵖⴻⵔ 46.653, ⴳⴰⵔ-ⴰⵙⴻⵏⵜ 289 ⵏ ⵜⴻⵊⵕⴰ ⵜⵉⵎⴰⵢⵏⵓⵜⵉⵏ ⵏⴻⵖ 0,7 ⵉ ⵢⴰⵍ 100.000 ⵏ ⵢⵉⵎⴻⵣⴷⴰⵖⴻⵏ ⴷⴻⴳ 24 ⵏ ⵢⵉⵙⵔⴰⴳⴻⵏ ⵉⵏⴻⴳⴳⵓⵔⴰ. ⴰⵖⵔⵓⴷ ⵏ ⵜⵎⴻⵜⵜⴰⵏⵉⵏ ⵢⴻⵡⵡⴻⴹ ⵖⴻⵔ 1562 ⵏ ⵜⴻⵊⵕⴰ. ⴰⵎⴹⴰⵏ ⵏ ⵢⵉⵎⵓⴹⵉⵏⴻⵏ ⵢⴻⵊⵊⵉⵏ ⵢⴻⵡⵡⴻⴹ ⵖⴻⵔ 32.985, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⴷⵓⴽⵜⵓⵔ ⴼⵓⵔⴰⵔ ⴷⴻⴳ ⵓⵎⵢⴰⴳⴻⵔ ⴰⵢⴰⵍⴰⵙ ⵏ ⵜⵖⴻⵎⵙⴰ ⴰⵢ ⴷ-ⵢⴻⵍⵍⴰⵏ ⵖⴻⴼ ⵓⵎⵀⴰⵣ ⵏ ⵜⴽⴰⵖⵔⴻⴼⵜ ⵏ ⵓⵏⴼⴰⴼⴰⴷ ⴱⵓ ⵓⵇⴰⵛⵓⵛ ⵏ ⵛⵓⴱⵉⴷ-19.

ⵙⴻⴳ ⵢⵉⴷⵉⵙ ⵏⵉⴹⴻⵏ, 16 ⵏ ⵜⵡⵉⵍⴰⵢⵉⵏ ⴰⵢ ⴷ-ⵉⵡⴻⴽⴽⴷⴻⵏ ⴳⴰⵔ 1 ⴷ 9 ⵏ ⵜⴻⵊⵕⴰ ⴷⴻⴳ 24 ⵏ ⵢⵉⵙⵔⴰⴳⴻⵏ ⵉⵏⴻⴳⴳⵓⵔⴰ. 10 ⵏ ⵜⵡⵉⵍⴰⵢⵉⵏ ⵏⵉⴹⴻⵏ ⵡⴻⴽⴽⴷⴻⵏⵜ-ⴷ ⵓⴳⴰⵔ ⵏ 10 ⵏ ⵜⴻⵊⵕⴰ, ⴷⴻⴳ ⵡⴰⴽⵓⴷ ⴰⵢⴷⴻⴳ 22 ⵏ ⵜⵡⵉⵍⴰⵢⵉⵏ ⵓⵔ ⴷ-ⵡⴻⴽⴽⴷⴻⵏⵜ ⵓⵍⴰ ⴷ ⵢⵉⵡⴻⵜ ⵏ ⵜⴻⵊⵕⵓⵜ.

ⵙⴻⴳ ⵜⴰⵎⴰ ⵏⵉⴹⴻⵏ, 43 ⵏ ⵢⵉⵎⵓⴹⵉⵏⴻⵏ ⴰⵢ ⵢⴻⵍⵍⴰⵏ ⴷⴻⴳ ⵓⵙⴻⵙⴼⴻⵔ ⴰⵏⴻⵥⵥⴰⵡ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵅⴻⴱⴱⴻⵔ.

ⴰⵎⴰⵙⴰⵢ-ⴰ ⵉⵡⴻⴽⴽⴻⴷ-ⴷ ⴷⴰⴽⴽⴻⵏ ⵜⴰⴳⵏⵉⵜ ⵜⴰⵙⴻⵏⴱⴰⵢⵢⵓⵔⴰⵏⵜ ⴰⵢⴷⴻⴳ ⵜⴻⵍⵍⴰ ⵜⵎⵓⵔⵜ ⴷ ⵜⵉⵏ ⴰⵢ ⴷ-ⵉⵛⴻⵔⴹⴻⵏ ⵖⴻⴼ ⵢⴰⵍ ⴰⵖⴻⵔⵎⴰⵏ ⴰⴷ ⵢⴻⵇⵇⴻⵏ ⵜⴰⴳⴻⵍⵎⵓⵙⵜ, ⴰⴷ ⵢⴻⵣⵔⴻⴽ ⴰⵙⴻⴽⵎⴻⵏ, ⴰⵎ ⵡⴰⴽⴽⴻⵏ ⴰⵔⴰ ⵢⴻⵣⵔⴻⴽ ⵉⵍⵓⴳⴰⵏ ⵏ ⵡⵓⵖⵓⵙ ⴷ ⵓⵎⴳⵓⴳⵓ ⴰⴼⴻⴽⴽⴰⵏ. ⵢⴻⵙⵎⴻⴽⵜⵉ-ⴷ ⴷⴰⵖ ⴷⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵙⵙⴻⵃⴱⵉⴱⵔⴻⵏ ⵢⵉⵖⴻⵔⵎⴰⵏⴻⵏ ⵖⴻⴼ ⵜⴷⴰⵡⵙⴰ ⵏ ⵢⵉⵎⵖⴰⵔⴻⵏ ⴷ ⵡⵉⴷ ⵢⴻⵙⵄⴰⵏ ⴰⴹⴹⴰⵏⴻⵏ ⵢⴻⵣⴳⴰⵏ.

ⴰⵏⴼⴰⴼⴰⴷ ⴱⵓ ⵓⵇⴰⵛⵓⵛ: 289 ⵏ ⵜⴻⵊⵕⴰ ⵜⵉⵎⴰⵢⵏⵓⵜⵉⵏ, 240 ⵏ ⵜⵓⵊⵊⵢⵉⵡⵉⵏ ⴷ 6 ⵏ ⵜⵎⴻⵜⵜⴰⵏⵉⵏ
  Yeffeɣ-d ass n : ⵜⵜⵍⴰⵜⴰ, 08 ⵛⵜⴻⵎⴱⴻⵕ 2020 11:51     Taggayt : ⵜⴰⴷⴰⵡⵙⴰ ⵜⵓⵙⵏⴰ ⵜⴰⴽⴻⵙⵏⵓⵙⵏⴰ     Ɣran-t : 0 n tikkal   Bḍu