ⵍⵖⵡⴰⴹⵟ – ⴰⵎⵣⴳⵓⵏ ⴰⵎⵏⴰⴹⴰⵏ ⵏ ⵍⵖⵡⴰⴹⵜ, ⵉⵖⵔ ⵡⵡⴹⵏ ⵢⵉⵎⵓⵀⴰⵍ ⵏ ⵓⵙⴹⵔⵓ-ⵙ ⵖⵔ ⵢⵉⵡⵏ ⵏ ⵓⵜⵓⴳ ⵏ 90%, ⴰⴷ ⵜ-ⵔⵎⵙⵏ ⴷⴳ ⵓⵙⴳⴳⴰⵙ-ⴰ ⵉⴷⴳ ⵏⵍⵍⴰ, ⵉ ⴷ-ⵜⵏⵏⴰ ⴰⵙⵙ ⵏ ⵍⴰⵔⴱⵄⴰ ⵜⵎⵀⵍⴰ ⵜⴰⴷⵉⴳⴰⵏⵜ ⵏ ⵢⵉⴷⵍⵙ.

 

ⵢⴷⴷⴰ-ⴷ ⴷⴳ ⵡⴰⵀⵉⵍ ⵏ ⵓⵙⵏⴼⵍⵉ ⵏ ⵙⵎⵎⵓⵙ ⵏ ⵢⵉⵙⴳⴳⴰⵙⵏ 2010-2014, ⴰⵙⵏⴼⴰⵔ-ⴰ, ⵉ ⵓⵎⵉ ⵔⵏⴰⵏ ⴰⵣⵔⴰⴼ ⵏ 200 ⵏ ⵢⵉⵎⵍⵢⵓⵏⴻⵏ ⵏ ⵢⵉⴷⵉⵏⴰⵔⵏ ⴰⴽⴽⵏ ⴰⴷ ⵢⴰⵖ ⵉⵙⴳⴰⵍⴼⵏ, ⵉⵙⵄⴰ ⵢⵉⵡⵜ ⵏ ⵜⵣⵇⵇⴰ ⵏ ⵢⵉⵀⴰⵏⴰⵢⵏ, ⵜⵉⵏⵎⵙⴰⵍ, ⵢⵉⵡⵏ ⵏ ⵓⵙⴰⵢⵙ ⵢⵜⵜⵡⴰⵙⴹⵔⴰⵏ ⵙ ⵢⵉⵍⵓⴳⴰⵏ ⵉⴳⵔⴰⵖⵍⴰⵏⴻⵏ, ⵉⵍⴰ ⴷⴰⵖⵏ ⵜⵉⵍⵍⵓⵏⵉⵏ ⵏ ⵡⴰⵍⵍⵓⵙ ⴰⴽⴽⴷ ⵜⵎⵚⵓⴽⵉⵏ ⵏⵏⵉⴹⵏ ⵏ ⵓⵔⴰⴼⵇ, ⵉ ⴷ-ⵢⵏⵏⴰ ⵓⵏⵎⵀⴰⵍ ⵏ ⵢⵉⴷⵍⵙ, ⵎⵓⵀⴰⵎⴷ ⵏⵎⵉⵍⵉ.

 

ⴰⵎⵣⴳⵓⵏ-ⴰ, ⵉⵍⴰⵏ ⵜⵉⵎⵚⵓⴽⵉⵏ ⵉⴷⴳ ⵢⵣⵎⵔ ⴰⴷ ⵢⵉⵍⵉ ⴷⴳ-ⵙ ⵓⵙⵍⵎⴷ ⴰⵙⴷⴰⵡⴰⵏ ⴷⴳ ⵜⵥⵓⵔⵉ ⵜⵉⵙ 4, ⴷ ⴰⵙⴼⴰⵢⵍⵓ ⴰⵎⵏⴰⴹⴰⵏ, ⴰⵖⵍⵏⴰⵡ ⵉⵣⵎⵔⵏ ⴰⴷ ⵢⵜⵜⴽⴽⵉ ⴷⴳ ⵓⵙⴱⵓⵖⵔ ⵏ ⵓⵙⴰⵢⵙ ⴰⴷⵍⵙⴰⵏ ⴷⴳ ⵜⵎⵏⴰⴹⵜ-ⴰ, ⵖⴼ ⵡⴰⴽⴽⵏ ⵉ ⴷ-ⵢⵏⵏⴰ ⵓⵎⴰⵙⴰⵢ-ⴰ.