ⵉⵎⵉⴷⵢⴰⵜⴻⵏ ⵏ ⵉⵏⵜⴻⵔⵏⴻⵜ: « ⵢⴻⵡⵡⴻⴹ-ⴷ ⵓⴽⴰⵜⴰⵔ ⵓⵙⴹⵉⴼ ⵉ ⵜⵖⴻⵎⵙⴰ ⵜⴰⵍⵉⴽⵜⵕⵓⵏⴰⵏⵜ »

Yeffeɣ-d ass n : ⵍⴻⵅⵎⵉⵙ, 08 ⵜⵓⴱⴻⵕ 2020 12:22   Ɣran-t : 0 n tikkal
ⵉⵎⵉⴷⵢⴰⵜⴻⵏ ⵏ ⵉⵏⵜⴻⵔⵏⴻⵜ: « ⵢⴻⵡⵡⴻⴹ-ⴷ ⵓⴽⴰⵜⴰⵔ ⵓⵙⴹⵉⴼ ⵉ ⵜⵖⴻⵎⵙⴰ ⵜⴰⵍⵉⴽⵜⵕⵓⵏⴰⵏⵜ »

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – « ⵢⴻⵡⵡⴻⴹ-ⴷ ⵓⴽⴰⵜⴰⵔ ⵓⵙⴹⵉⴼ ⵉ ⵜⵖⴻⵎⵙⴰ ⵜⴰⵍⵉⴽⵜⵕⵓⵏⴰⵏⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵒⵕⵓⴼⵉⵙⵓⵔ ⴰⵎⵎⴰⵔ ⴱⴻⵍⵀⵉⵎⴻⵔ, ⴰⵏⴻⵖⵍⴰⴼ ⵏ ⵜⴻⵖⵡⴰⵍⵜ, ⴰⵎⵓⵜⵍⴰⵢ ⵏ ⵓⵏⴰⴱⴰⴹ, ⴷⴻⴼⴼⵉⵔ ⵎⴰ ⵢⴻⵙⵎⴻⵎⵎⵉ ⵓⵏⴰⴱⴰⴹ, ⴰⵙⵙ ⵏ ⵓⴽⵡⴰⵙ, ⴰⵙⴻⵏⴼⴰⵔ ⵏ ⵜⴰⵏⴰⴹⵜ ⵜⴰⵙⵍⴻⴽⵎⴰⵏⵜ ⵢⴻⵔⵣⴰⵏ ⴰⵔⵎⵓⴷ ⵏ ⵓⵙⴻⵍⵖⵓ ⵙ ⵉⵏⵜⴻⵔⵏⴻⵜ.

ⴰⵏⴼⴰⵍ ⴰⵎⴻⵇⵇⵔⴰⵏ ⴰⵢ ⴷ-ⵢⴻⵍⵍⴰⵏ ⴷⴻⴳ ⵓⵙⴰⴹⵓⴼ-ⴰ ⴷ ⴰⵙⴻⵖⵣⴻⴼ ⵏ ⵢⵉⵎⴰⴳⵔⴰⴷⴻⵏ 66 ⴷ 113 ⵢⴻⵔⵏⵓ, ⵙ ⵡⴰⵢⴰ, ⵜⴻⵔⵙ ⵜⵖⴻⵎⵙⴰ ⵜⴰⵍⵉⴽⵜⵕⵓⵏⴰⵏⵜ ⴷⴻⴳ ⵓⴱⵔⵉⴷ ⴰⵢⴷⴻⴳ ⵢⴻⵙⵙⴻⴼⴽ ⴰⴷ ⵜⴻⵣⵔⴻⴽ ⴰⵙⴰⴹⵓⴼ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⵓⵏⴻⵖⵍⴰⴼ.

ⴰⵏⴻⵖⵍⴰⴼ ⵏ ⵜⴻⵖⵡⴰⵍⵜ ⵉⵡⴻⴽⴽⴻⴷ-ⴷ ⴷⴰⴽⴽⴻⵏ ⴰⵙⴰⴹⵓⴼ-ⴰ ⴰⵎⴰⵢⵏⵓ ⵓⵔ ⴷ-ⵢⴻⵙⴱⴰⴷⵓ ⴰⵔⴰ ⴰⵏⴰⴳⵔⴰⵡ ⵓⵙⴹⵉⴼ ⴷ ⵓⴷⴰⵎⵙⴰⵏ ⵏ ⵓⵔⵎⵓⴷ ⵏ ⵜⵖⴻⵎⵙⴰ ⵏ ⵉⵏⵜⴻⵔⵏⴻⵜ.

ⴷ ⴰⵛⵓ ⴽⴰⵏ, ⵢⴻⵏⵏⴰ-ⴷ ⴷⴰⴽⴽⴻⵏ ⴰⵙⴰⴹⵓⴼ-ⴰ ⴷ ⵜⴰⵡⴻⵍⵀⴰ ⵉ ⵓⵎⵓⵣⴻⵍ ⵏ ⵜⵖⴻⵎⵙⴰ-ⴰ.

ⵖⴻⴼ ⵍⴻⵃⵙⴰⴱ ⵏ ⵓⵒⵕⵓⴼⵉⵙⵓⵔ ⴱⴻⵍⵀⵉⵎⴻⵔ, ⴰⵔⵎⵓⴷ ⵏ ⵜⵖⴻⵎⵙⴰ ⵏ ⵉⵏⵜⴻⵔⵏⴻⵜ ⴰⵎ ⵡⵉⵏ ⵏ ⵜⵖⴻⵎⵙⴰ ⵏ ⵢⵉⴼⴻⵔⴽⵉ, ⴷ ⴰⵔⵎⵓⴷ ⴰⴷⴰⵎⵙⴰⵏ ⴰⵔⴰ ⵉⵣⴻⵔⴽⴻⵏ ⵉⵍⵓⴳⴰⵏ ⵏ ⵡⵓⵍⵣⵓⵣ, ⴷ ⴰⵛⵓ ⴽⴰⵏ, ⵜⴰⵖⴻⵎⵙⴰ ⵏ ⵉⵏⵜⴻⵔⵏⴻⵜ ⵜⴻⵜⵜⴻⴳ ⵜⵓⵖⴷⴰⴹⵜ ⵏ ⵜⵏⴰⴼⵓⵜ ⵜⴰⵎⴰⵜⵓⵜ ⴷ ⵓⵎⴻⵥⵍⵓ ⴰⵏⴰⴳⴷⵓⴷ ⵙ ⵓⵙⵏⴰⵙ ⵏ ⵓⵎⴰⴳⵔⴰⴷ ⵡⵉⵙ 2 ⵏ ⵓⵙⴰⴹⵓⴼ ⵢⴻⵔⵣⴰⵏ ⴰⵙⴻⵍⵖⵓ.

ⵉⵎⵉⴷⵢⴰⵜⴻⵏ ⵏ ⵉⵏⵜⴻⵔⵏⴻⵜ: « ⵢⴻⵡⵡⴻⴹ-ⴷ ⵓⴽⴰⵜⴰⵔ ⵓⵙⴹⵉⴼ ⵉ ⵜⵖⴻⵎⵙⴰ ⵜⴰⵍⵉⴽⵜⵕⵓⵏⴰⵏⵜ »
  Yeffeɣ-d ass n : ⵍⴻⵅⵎⵉⵙ, 08 ⵜⵓⴱⴻⵕ 2020 12:22     Taggayt : ⵍⴻⵣⴰⵢⴻⵔ     Ɣran-t : 0 n tikkal   Bḍu