Menu principal

Menu principal

Ur ttɛeḍḍilen ara ad d-ciren tiliẓri n Internet n Tseqqimt Tulamptit d Taddalant n Lezzayer

Yeffeɣ-d ass n : Letniyen, 12 Tubeṛ 2020 09:36   Ɣran-t : 10 n tikkal
Ur ttɛeḍḍilen ara ad d-ciren tiliẓri n Internet n Tseqqimt Tulamptit d Taddalant n Lezzayer

LEZZAYER TAMANEƔT – Teɣtes Tseqqimt Tulampit d Taddalant n Lezzayer ad d-tcir, deg wussan ay d-yetteddun, tiliẓri-nnes n Internet umi tsemma « Algerian Olympic Channel » yernu d tin ara yilin deg usmel n usezdeɣ n teẓriyin n YouTube, ɣef wakken ay aɣ-d-tenna tsudut-a tulampit.

Targa-a tella-d deg ukatar n uɣawas n tigawt n Tseqqimt Tulampit d Taddalant n Lezzayer yernu ifares-nnes ad d-lhun yid-s yimezrawen d wid d-yettheyyin iduktuṛaten segn Uɣerbaz Aɣelnaw Imineg n Tɣemsa d Tussniwin n Uselɣu n Benɛeknun (Lezzayer Tamaneɣt). Aɣbalu-a yenna-d dakken tiliẓri-a ad tili d asurif ameqqran ɣer sdat.

« Tella-d tezrawt d timdeqqeqt, tagara-a, i lmend n uktazel adriman n ufares amaynu d tmussni n tesqamt tilawt n temhelt uqbel ma caren-tt, yernu aya ur yezmir ad d-yili arma wwin-d isirgen yessefken deg temsal-a », ɣef wakken ay d-tenna Tseqqimt Tulampit d Taddalant n Lezzayer, war ma tefka-d ugar n yifatusen.

Algerian Olympic Channel (AOC) ad d-tessumer ahilen yemgerraden yeru ad d-tesɛedday tiyakiwin s udhal n tfidiṛaliyin taddalanin tiɣelnawin.

Last modified on Laṛebɛa, 14 Tubeṛ 2020 10:55
Ur ttɛeḍḍilen ara ad d-ciren tiliẓri n Internet n Tseqqimt Tulamptit d Taddalant n Lezzayer
  Yeffeɣ-d ass n : Letniyen, 12 Tubeṛ 2020 09:36     Taggayt : ADDAL     Ɣran-t : 10 n tikkal   Bḍu