Menu principal

Menu principal

Talɣuɣa: Ttalsen-as aseqɛed i Unarir n 20 Ɣuct

Yeffeɣ-d ass n : Ljemɛa, 25 Ctembeṛ 2020 10:17   Ɣran-t : 34 n tikkal
Talɣuɣa: Ttalsen-as aseqɛed i Unarir n 20 Ɣuct

LEZZAYER TAMANEƔT – Ttalsen-as aseqɛed n Unarir n 20 Ɣuct 1955 deg Lezzayer Tamaneɣt, yernu aya ad d-iḥaz tixxamin n usenfel, tiṣeddarin n yimeshanayen, anrar d usfaw i lmend n usewjed-nnes i tsemhuyt tacirḍarant ay d-yetteddun.

Tesseɛjel teṛmist d-yelhan s waya anya-nnes akken ad tesgalef anarir-a « aqbur » uqbel ma tebda tsemhuyt n tcirḍart n 2020-2021 ara d-yilin ass n 20 Wamber.

Tamṣukt-a taddalant gan-as-d isgulaf d imaynuten i uselhu n usuddes n temliliyin deg-s d tɣellist. S waya, sjehden-as aẓeḍwu-nnes atrisan am wakken ay tt-rran d tamṣukt ay iwatan ugar i umager n tedyanin tiɣelnawin d tmenẓawanin.

Allus n useqɛed ay d-yellan deg Ctembeṛ yebḍa ɣef snat n takkayin: Tamezwarut d allus n useqɛed n texxamin n usenfel, agennari n wadaf ɣer unarir d tduli n tṣeddarin n yimeshanayen. Takkayt tis snat d tin ara yebdun akken kan ara tt-yeqbel Wudus Aɣelnaw n Usefqed Atwilan n Tmeṣkiwt yernu ad d-tili i uṣeggem n usfaw n unarir.

Awali n Lezzayer, Youcef Chorfa, yesweḍ asenfar-a uqbel, ɣer yidis n yimasayen idiganen (n tɣiwant d tdayṛa) d unemhal n tillumẓa d waddal, Tarek Kerrache, akken ad ttren ɣef tegnit n twaẓit n umahil, ladɣa imi tawilayt n Lezzayer d Tmehla n Tillumẓa d Waddal d nitenti ay d-yelhan s usidrem d uḍfar n yimahilen deg unarir-a.

 

 

Last modified on Laṛebɛa, 07 Tubeṛ 2020 12:17
Talɣuɣa: Ttalsen-as aseqɛed i Unarir n 20 Ɣuct
  Yeffeɣ-d ass n : Ljemɛa, 25 Ctembeṛ 2020 10:17     Taggayt : ADDAL     Ɣran-t : 34 n tikkal   Bḍu