Menu principal

Menu principal

Takunfidiṛalit Tafriqit n Tcirḍart: Amedru ɣef tenbaḍt n tcirḍart deg Dujembeṛ

Yeffeɣ-d ass n : Laṛebɛa, 19 Ɣuct 2020 12:31   Ɣran-t : 277 n tikkal
Takunfidiṛalit Tafriqit n Tcirḍart: Amedru ɣef tenbaḍt n tcirḍart deg Dujembeṛ

LEZZAYER TAMANEƔT – Ad tessuddes Tkunfidiṛalit Tafriqit n Tcirḍart, deg Dujembeṛ, amedru ɣef tenbaḍt n tcirḍart deg Tefriqt yernu d win wuɣur d-ttwaɛerḍent akk tiddukliwin tiɣelnawin yettekkan deg tkunfidiṛalit, ɣef wakken ay d-tenna Tfidiṛalit Tazzayrit n Tcirḍart ass n usinas deg usmel-nnes unṣib.

Deg ukatar n usewjed i tedyant-a, ad ssuddsen asarag n teẓrit aydeg ara d-xebbren ɣef yisgumen igejdanen ayɣef ara d-ssiwlen deg umedru-nni. Asarag-a ad d-yili deg Tubeṛ n 2020, ɣef wakken ay d-yenna uɣbalu-a ay d-yernan dakken ur yettɛeḍḍil ara ad d-ixebber ɣef wass aydeg ara d-yili.

Yal tiddukla taɣelnawt yessefk ad d-twekked attekki-nnes uqbel 31 Ɣuct 2020 yernu ad d-tefk tilɣa n unermis n umdan ara isiggen ɣef uqader n temsal ayɣef ara d-yili wawal deg umedru-nni.

 

Last modified on Lḥedd, 23 Ɣuct 2020 13:25
Takunfidiṛalit Tafriqit n Tcirḍart: Amedru ɣef tenbaḍt n tcirḍart deg Dujembeṛ
  Yeffeɣ-d ass n : Laṛebɛa, 19 Ɣuct 2020 12:31     Taggayt : ADDAL     Ɣran-t : 277 n tikkal   Bḍu