Menu principal

Menu principal

Talɣuɣa Taɛṛabt n Ubadminṭun (ddaw 19 n yiseggasen): D Lezzayer ara yemmagren taẓrigt n 2021

Yeffeɣ-d ass n : Letniyen, 17 Ɣuct 2020 17:17   Ɣran-t : 284 n tikkal
Talɣuɣa Taɛṛabt n Ubadminṭun (ddaw 19 n yiseggasen): D Lezzayer ara yemmagren taẓrigt n 2021

LEZZAYET TAMANEƔT – Twekkel Tdukli Taɛṛabt n Ubadminṭun tamurt n Lezzayer akken ad tessuddes taẓrigt n 2021 n telɣuɣa n yimeqranen/irgazen deg ugraw-nnes amatu anuman ay d-yellan deg tgara n yimalas yezrin s usarag n teẓrit, ɣef wakken ay d-tenna tsudut-a taɛṛabt deg usebter-nnes n Facebook.  

Seg yidis-nnes, Tagelda Tasaɛudit d nettat ara yessuddsen talɣuɣa taɛṛabt n ddaw 19 n yiseggasen, deg wakud aydeg Lekwit ad tessuddes tilɣuɣiwin n ddaw 13, ddaw 15 d ddaw 17 n yiseggasen.

Deg wayen yerzan Talɣuɣa Taɛṛabt n Ubadminṭun n Yimeɛdaṛ, ad d-tili ya deg Beḥṛin, ya deg Limaṛat Taɛṛabin Yeddukklen, ɣef wakken ay d-tenna Tdukli Taɛṛabt n Ubadminṭun.

Mraw kuẓ n tmura ay yettekkan deg ugraw-a amatu ay d-yellan, i tikkelt tamezwarut, s usarag n teẓrit, yernu ti d Lezzayer, Tagelda Tasaɛudit, Beḥṛin, Lekwit, Taselṭna n Ɛuman, Lubnan, Tunes, Maṣer, Ɛiraq, Luṛdun, Falesṭin, Sudan, Libya d Surya, deg wakud aydeg ɣabent 3 n tmura niḍen, nitenti d Meṛṛuk, Ǧibuti d Muriṭanya.  

 

 

Last modified on Ttlata, 18 Ɣuct 2020 11:50
Talɣuɣa Taɛṛabt n Ubadminṭun (ddaw 19 n yiseggasen): D Lezzayer ara yemmagren taẓrigt n 2021
  Yeffeɣ-d ass n : Letniyen, 17 Ɣuct 2020 17:17     Taggayt : ADDAL     Ɣran-t : 284 n tikkal   Bḍu