Menu principal

Menu principal

Asarir n 40.000 n yideggen deg Wehṛan: Ad sɛeddin tizrawin i tmeṣkiwt n tfuɣalt n tatlitit

Yeffeɣ-d ass n : Lexmis, 02 Yulyu 2020 11:59   Ɣran-t : 28 n tikkal
Asarir n 40.000 n yideggen deg Wehṛan: Ad sɛeddin tizrawin i tmeṣkiwt n tfuɣalt n tatlitit

WEHṚAN – Tizrawin i tmeṣkiwt n tfuɣalt n tatlitit deg usarir n Wehṛan yesɛan 40.000 n yideggen ur tettɛeḍḍil ara ad tt-yeqbel yiwen n umazzay n Tfidiṛalit Tagraɣlant n Tatlitit, ɣef wakken ay d-nnan, ass n ukras, yimeẓla n twilayt.

Amazzay-a ad yessefqed ma yella tizrawin-a ddant d yisefran ay d-tesbeḍ tfidiṛalit-a tagraɣlant uqbe ma bdan timeṣkiwt n tfuɣalt-a deg usarir agejdan, ɣef wakken ay d-wekkden.

Ma d asuddis addalan n Bir Lǧir yerza fell-as uwali Abdelkader Djellaoui ay iwalan dakken fuken usu n tuga tagamant deg unrar n usarir agejdan. Yessefqed daɣ imahilen ay werɛad fuken d yisgulaf niḍen n usuddis-a am tzeqqa tagtaddalt d wammas n waddalen n waman aydeg llant 3 n tnerdabin gar-asent snat d tulampiyin d yiwet d tazegnulampit.

I lmend n waya, iger-d tiɣri i teṛmisin tacinwat d-yelhan s yimahilen akken ad ternu deg tewlellaɣt-nnes akken ad tessiweḍ ad d-tfak tadumṣukt-a deg umenḍaw ay as-d-yettwasebḍen deg tgara n 2020, ɣef wakken ay d-yenna uɣbalu-a.

Seg yidis niḍen, ttunefkent lewṣayat i tnarit n tezrawin d-yelhan s usenfar-a akken ad ternu deg ukettur n usfaw n usarir n tcirḍart akken ad yeddu d yisefran ay d-tesbeḍ Tfidiṛalit Tagraɣlant n Tcirḍart deg temsalt-a, ɣef wakken ay d-tessegza tebniqt n teɣwalt n twilayt.

I usmekti, asuddis addalan n Bir Lǧir ad temmager taẓrigt tis 19 n Wuraren Igrakalanen n Wehṛan gar 25 Yunyu d 5 Yulyu 2022.

 

 

Last modified on Letniyen, 06 Yulyu 2020 12:37
Asarir n 40.000 n yideggen deg Wehṛan: Ad sɛeddin tizrawin i tmeṣkiwt n tfuɣalt n tatlitit
  Yeffeɣ-d ass n : Lexmis, 02 Yulyu 2020 11:59     Taggayt : ADDAL     Ɣran-t : 28 n tikkal   Bḍu