Menu principal

Menu principal

Ataekwondo: Sbedden tasemhuyt taddalant ɣef lǧal n unfafad bu uqacuc

Yeffeɣ-d ass n : Laṛebɛa, 01 Yulyu 2020 14:51   Ɣran-t : 98 n tikkal
Ataekwondo: Sbedden tasemhuyt taddalant ɣef lǧal n unfafad bu uqacuc

LEZZAYER TAMANEƔT – Imaslaḍen n tnarit taslekmant n Tfidiṛalit Tazzayrit n Utaekwondo ɣetsen ad faken tasemhuyt taddalant n 2019-2020 ɣef lǧal n tkaɣreft n unfafad bu uqacuc, ɣef wakken ay d-tenna, ass n usinas, tfidiṛalit-a.

Deg yiwet n tseɣrut i Tnegga n Yisalan n Lezzayer, yenna-d uwnetlay amatu n Tfidiṛalit Tazzayrit n Utaekwondo, Samir Mouaiana, dakken aɣtas-a teddem-it tnarit s umyalel d tesmilt tasnajyant.

« Aɣtas-a yella-d i uḥraz n tdawsa n yinaddalen-nneɣ d usinef i tmijwin n uzraɛ n unfafad », ɣef wakken ay d-yerna.

Uqbel ma sbedden-d akaten n usekmen adawsan, Tafidiṛalit Tazzayrit n Utaekwondo tessuddes Talɣuɣa Taɣelnawt n Taggayin n Yimeqranen d Yilemẓiyen n Tmezzugt n Ukyorugi (imenɣi), ma d tin n « apoomse » (ikaṭaten) tella-d s usarag s teẓrit.

Deg wayen yerzan tasemhuyt ay d-yetteddun, Mouaiana ixebber-d dakken tafidiṛalit ad d-telhu s usiney n temɣunin d tnarit tafidiṛalit i lewṣaya tulampit tamaynut, uqbel ma teɣtes ad d-yeqqel urmud addalan.

Seg yidis niḍen, yenna-d uwnetlay amatu n Tfidiṛalit Tazzayrit n Utaekwondo dakken Lezzayer tessewjad iman-nnes akken ad tessuddes Talɣuɣa Tamɣarbit Tuhlist n Wakk Taggayin seg 1 ɣer 15 Yulyu s uttekki n 52 n yinaddalen d-yettgensisen semmuset n tmura yernu ti d Lezzayer, Tunes, Meṛṛuk, Libya d Muriṭanya.

« Tayaka-a tuhlist ad d-tili s wazzun n teẓrawiyin ara d-gen yimttekkiyen i yiman-nsen yernu d tid ara zemlen yisnefrayen », ɣef wakken ay d-yessegza.

 

Last modified on Lexmis, 02 Yulyu 2020 12:32
Ataekwondo: Sbedden tasemhuyt taddalant ɣef lǧal n unfafad bu uqacuc
  Yeffeɣ-d ass n : Laṛebɛa, 01 Yulyu 2020 14:51     Taggayt : ADDAL     Ɣran-t : 98 n tikkal   Bḍu