Menu principal

Menu principal

« Tasaga Tazewwaɣt n Muludeyya »: Amezruy n uqusis n 23 n yimeɣrusen

Yeffeɣ-d ass n : Ttlata, 30 Yunyu 2020 09:15   Ɣran-t : 0 n tikkal
« Tasaga Tazewwaɣt n Muludeyya »: Amezruy n uqusis n 23 n yimeɣrusen

WEHṚAN – « Tasaga Tazewwaɣt n Muludeyya 1946-2010 » d azwel n udlis amaynu ay d-yernan ɣer temkarḍit n waddal azzayri. Ameskar-nnes, Lahcene Belahoucine, yeḥka-d deg-s amezruy n Muludeyya n Wehṛan ay d-sɣenwen Yizzayriyen akken ad nnaɣen yes-s mgal usehres afṛansi.

Adlis-a yeffeɣ-d ɣer teẓrigin n « Dar El Qods » yernu yeɣli-d d umulli wis 74 n Muludeyya n Wehṛan ay tesfugel deg tlemmast n Mayu yezrin. Ameskar yeḥka-d deg-s amezruy n yimḍebbren, imuraren yemmuten d imeɣrusen d warrazen ay d-yerbeḥ uqusis-a.

Yesseɣti umeskar talɣut-nni ay d-yennan dakken Muludeyya n Wehṛan tlul-d deg 1917 yernu yesseqdec tiftatin d tunṣibin akken ad d-yessken dakken deg Mayu n 1946 ay d-tlul teɣlamt-a, deg tallit aydeg tadbelt tahersant tafṛansit tella tesseḥṛas-itt ɣef Yizzayriyen akken ad d-sɣenwen tiɣlamin.

Yebḍa Lahcene Belahoucine amezruy n Muludeyya n Wehṛan ɣef 4 n yimecwaṛen: seg 1946 d 1956, seg wasmi ay d-ilul uqusis-a armi d asmi ay ɣunzan yiqusisen inselmen akk tiyakiwin s uḍfar n teɣri n Terni n Uslelli Aɣelnaw.

Aḥric wis sin, seg 1962 ɣer 1977, asmi ay d-qqlent tyakiwin deffir uzarug aɣelnaw armi d asmi ay d-tella tsemmeskelt taddalant.

Amecwaṛ wis kraḍ, seg 1977 d 1989, d tallit aydeg ay jebdent teṛmisin tinagdudin iman-nsent seg yiqusisen.

Ma d aḥric wis kuẓ n udlis-a, d win ay d-yessawalen ɣef tallit gar 1989 d 2010, aseggas aydeg qqlen yiqusisen d imsaduren.

Lahcene Belahoucine ilul deg 1951 deg Lḥemri (Lamur n zik), deg Ṛṛewwaz s tseddi, deg uzniq aydeg d-ilul uqusis n Muludeyya n Wehṛan, dɣa s waya ay yefka azal ameqran i teɣlamt-a yernu yura-d fell-as adlis.

 

« Tasaga Tazewwaɣt n Muludeyya »: Amezruy n uqusis n 23 n yimeɣrusen
  Yeffeɣ-d ass n : Ttlata, 30 Yunyu 2020 09:15     Taggayt : ADDAL     Ɣran-t : 0 n tikkal   Bḍu