Menu principal

Menu principal

Tacirfust / Lezzayer (anfafad) : "Taswiɛt-a, ad tili teqbuct n Lezzayer

Yeffeɣ-d ass n : Letniyen, 29 Yunyu 2020 18:53   Ɣran-t : 58 n tikkal
Tacirfust / Lezzayer (anfafad) : "Taswiɛt-a, ad tili teqbuct n Lezzayer

LEZZAYER  TAMANEƔT – Aselway n Tfidiralit tazzayrit n tcirḍart (FAHB), Habib Labane, yenna-d ass n uynas (letniyen) dakken akayad n Teqbuct n Lezzayer 2019-2020, asihel-is yella deg ccek, "taswiɛta ur yettwakkes ara", kra n wussan kan aya ssumren-d aḥbas-is ɣef ssebba n waṭan n Unfafad Bu Tesmert Covid-19.

"Taqbuct n Lezzayer taswiɛt-a ur tt-ḥbisen ara, maca aya akk icud ɣer ukud i d-mazal akken ad nekfu tasemhuyt, mi yettwakken ukman sakin ad t-id-yeḍfer ulday n tzeqqiwin n waddal", i d-yenna i Tnegga n Yisalan n Lezzayer umasay amezwaru n temṣukt tafidiralt.

Deg yiwet n temlilit i d-yeḍran ass n 6 yunyu akked yiselwayen n yiqusisen, s tili-asarag, yessumer-d Habib Labane i wakken ad neḥbes Taqbuct n Lezzayer, ibder-d daɣen uguren n teswast : "Ma neḥbes imir-a talɣuɣa, yessefk ad yili uheyyi n yin n wayyuren almend n tsemhuyt i d-iteddun, ternuḍ-as yiwen neɣ sin n yimalasen i tuɣalin tadeblant. Yessefk ad teẓrem daɣen dakken aheyyi n teɣlamt taɣelnawt ad yebdu deg wayyur n ɣuct. Ɣef ssebba-a i yezmer lḥal ad nesseḥbes Taqbuct n Lezzayer".

Aselway n Tfidiralit tazzayrit n tcirḍart (FAHB) yerra ɣer sidis takti n useɣret n tsemhuyt tamellalt, yerna yenna-d dakken ad yessenɣes aṭas amḍan n temliliyin n telɣuɣa i wakken ad naweḍ ɣer taggara n yirmuden n yimira, i yettwaḥebsen seg uzgen n meɣres almend n waṭan n Unfafad Bu Tesmert Covid-19.

Last modified on Laṛebɛa, 01 Yulyu 2020 14:53
Tacirfust / Lezzayer (anfafad) : "Taswiɛt-a, ad tili teqbuct n Lezzayer
  Yeffeɣ-d ass n : Letniyen, 29 Yunyu 2020 18:53     Taggayt : ADDAL     Ɣran-t : 58 n tikkal   Bḍu