Menu principal

Menu principal

Ardab/Lezzayer: Yessefk ad d-yebdu usewjed i tsemhuyt ay d-yetteddun war leɛḍil

Yeffeɣ-d ass n : Letniyen, 18 Mayu 2020 13:33   Ɣran-t : 83 n tikkal
Ardab/Lezzayer: Yessefk ad d-yebdu usewjed i tsemhuyt ay d-yetteddun war leɛḍil

LEZZAYER TAMANEƔT – Aɣtas n ufaki n tsemhuyt taddalant n 2019-2020 n urdab d ayen ay yeǧǧan kra n yimsatwilen n waddal-a ad bdun asewjed, seg yimir-a, i tsemhuyt ay d-yetteddun, yernu gren-d tiɣri i uheyyi n uɣawas n umahil i lmend n waya war ma ttwattun yimerdaben n tedɣert.

D tanarit tafidiṛalit ay iɣetsen, ass n ukras, ad tfak tasemhuyt n urdab ɣef lǧal n useɣzef n usekmen arma d 29 Mayu. Asebded n tsemhuyt yerza akk tiyakiwin tiɣelnawin n urdab, ama d tid n temda, ama d tid n waman ilelliyen, ama d tid n upulu n waman.

« Mer yettwaddem uɣtas n ufaki n tsemhuyt yettwaddem ɣef lǧal n temsal niḍen, ad ttwaxeyybeɣ. D acu kan, imi aɣtas-a yella-d d akat n uḥezzeb mgal unfafad bu uqacuc, ala aqbal ara t-qebleɣ », ɣef wakken ay d-yenna usleɣmay aɣelnaw, Anouar Boutebina, am wakken ay d-iḥettet dakken yessefk ad yebdu, seg yimir-a, uxemmem ɣef wayen ara d-iḍefren.

« Ttwaliɣ dakken yessefk ad d-nessewjed, s tɣawla, tasnuddest i uḍman n tuqqla yelhan n yinaddalen-nneɣ, ladɣa wid n tedɣert taɣelnawt ara yeḥwijen, deffir tukksa n usekmen, ma drus, 8 n yimalasen n usewjed akken ad qqlen ɣer uswir-nsen. S waya, yessefk ad txemmem tfidiṛalit yernu ad tmahel s taɣist akken ad asen-tebded i lmendad ».

Ma d asleɣmay n Unegraw Addalan n Yipitṛuliyen, Mohamed Galdem, yettwali dakken yelha mer ṛjin cwiṭ uqbel ma ddmen aɣtas am wa, imi ay llant zemrent tɣawsiwin ad nnelhunt deg wussan ay d-yetteddun, ɣef wakken ay yessarem.  

 

 

Last modified on Laṛebɛa, 20 Mayu 2020 12:51
Ardab/Lezzayer: Yessefk ad d-yebdu usewjed i tsemhuyt ay d-yetteddun war leɛḍil
  Yeffeɣ-d ass n : Letniyen, 18 Mayu 2020 13:33     Taggayt : ADDAL     Ɣran-t : 83 n tikkal   Bḍu