Menu principal

Menu principal

Tamɣunt 1ut n Tcirḍart/Tadukli Taddalant n Lezzayer: Djelloul yebɣa ad d-teqqel tsemhuyt

Yeffeɣ-d ass n : Lexmis, 14 Mayu 2020 12:31   Ɣran-t : 118 n tikkal
Tamɣunt 1ut n Tcirḍart/Tadukli Taddalant n Lezzayer: Djelloul yebɣa ad d-teqqel tsemhuyt

LEZZAYER TAMANEƔT – Yenna-d Achour Djelloul, aselway-anemhal amatu n Tegrawt n Sersport, anaful anegti n Tdukli Taddalant n Temdint n Lezzayer, ass n ukras, dakken yebɣa ad d-teqqel tsemhuyt n tcirḍart n Temɣunt 1ut ay sbedden seg tlemmast n Meɣres ɣef lǧal n tkaɣreft n unfafad bu uqacuc.

« Newjed ad neqbel s kra n uɣtas ara d-yilin ɣef wamek ara teḍru d telɣuɣa, maca nekk aql-iyi akked tuqqla ɣer tyaka. Mazal 8 n wussan n wurar i urbaḥ n 24 n tenqiḍin, yernu ssarameɣ nesɛa ammaken akken ad d-neqqel yernu ad nurar ɣef yideggen imezwura », ɣef wakken ay d-yenna Achour Djelloul i Tnegga n Yisalan n Lezzayer.

Tella-d yiwet n temlilit, ass n usamas yezrin, deg tesɣimt n uɣlif n tillumẓa d waddal i usiwel ɣef wamek ay tezmer ad d-teqqel telɣuɣa. Timlilit-a tella-d war ma yeḥdeṛ deg-s uneɣlaf, Sid Ali Khaldi, d uneɣlaf n Tfidiṛalit Tazzayrit n Tcirḍart, Kheireddine Zetchi, yernu d tin ay d-yellan deffir ma tessuter-itt tnarit tafidiṛalit i usiwel ɣef wamek ara teḍru d tyaka taɣelnawt n tcirḍart.

Seg yidis niḍen, yenna-d uselway-anemhal amatu n tegrawt n Serport dakken d Abdelghani Haddi ay d-ssummden d anemhal amatu imi ay yesɛa acḥal n yiseggasen n termit deg usefrek n teṛmisin yernu netta d amazzay deg usaḍuf.

Daɣ, yenna-d Mass Djelloul dakken Anthar Yahia, anemhal addalan amaynu n uqusis-a, yezmel agatu n 3 n yiseggasen yernu yebda ya amahil-nnes.

 

Last modified on Ssebt, 16 Mayu 2020 14:14
Tamɣunt 1ut n Tcirḍart/Tadukli Taddalant n Lezzayer: Djelloul yebɣa ad d-teqqel tsemhuyt
  Yeffeɣ-d ass n : Lexmis, 14 Mayu 2020 12:31     Taggayt : ADDAL     Ɣran-t : 118 n tikkal   Bḍu