Qsenṭina: Ixeṣṣaren deg usuddis n Umeɣrus-Hamlaoui deffir temlilit gar Tmeḍrit n Muludeyya

Yeffeɣ-d ass n : Lḥedd, 15 Yebrir 2018 16:06   Ɣran-t : 76 n tikkal
Qsenṭina: Ixeṣṣaren deg usuddis n Umeɣrus-Hamlaoui deffir temlilit gar Tmeḍrit n Muludeyya

QSENṬINA – Llan-d yixeṣṣaren deg wayla deg usuddis n Umeɣrus-Hamlaoui n Qsenṭina deffir temlilit ay d-yellan, ass n ljemɛa, gar Tmeḍrit Taddalant n Leqbayel d Muludeyya n Lezzayer deg ukatar n uzgen n tgarant n Teqbuct n Lezzayer n Tcirḍart, ɣef wakken ay d-yenna unemhal n usuddis-a addalan i Tnegga n Yisalan n Lezzayer.

« Ugar n 2000 n yisebɣasen n Muludeyya n Lezzayer ay d-yudren ɣer usarir tanezzayt n temlilit-nni yernu rẓan 7 seg tewwura n usuddis am wakken ay rẓan ula d tisenfar n waman uqbel ma ssawḍen ad ten-ḥekmen », ɣef wakken ay d-yenna Boubakeur Zertal i Tnegga n Yisalan n Lezzayer.

Yenna-d daɣ dakken deg temlilit-nni, « isebɣasen n Muludeyya n Lezzayer sxeṣren tiṣeddarin am wakken ay d-zellin iceqfan ɣer tuga n unrar », yernu yenna-d dakken deffir temlilit, mmɣen yisebɣasen-a ula ɣef tesɣimt n Muludeyya n Qsenṭina am wakken ay sserɣen asakal n teɣlamt-a.

Yerna-d umasay-a dakken imeẓla-nnes atni mazal la ttqeyyimen ixeṣṣaren ay d-yellan deg tekriḍt-a.

Ma d anemhal amatu n usbiṭar asdawan n Benbadis, Djamel Benyessaad, yenna-d dakken 104 n yilemẓiyen ay yettwaḍḍfen deg usbiṭar-a ɣef lǧal n lejruḥ d ifessasen deg temlilit gar Tmeḍrit Taddalant n Leqbayel d Muludeyya n Lezzayer, gar-asen sin n yisebɣasen n Muludeyya mazal-iten ddaw ussemḍef asnajyan.

Ɣef leḥsab n temsulta, azal n 50 n yimdanen ay yettwabẓen gar yisebɣasen n Tmeḍrit d wid n Muludeyya, aṭas seg-sen d ddaw 18 n yiseggasen.

Last modified on Lḥedd, 15 Yebrir 2018 16:31
Qsenṭina: Ixeṣṣaren deg usuddis n Umeɣrus-Hamlaoui deffir temlilit gar Tmeḍrit n Muludeyya
  Yeffeɣ-d ass n : Lḥedd, 15 Yebrir 2018 16:06     Taggayt : ADDAL     Ɣran-t : 76 n tikkal   Bḍu