Tcirfust / Taqbuct taɛrabt n yiqusisen : igensasen izzayriyen ttnadin ɣef tigawt n tɣara

Yeffeɣ-d ass n : Ttlata, 13 Meɣres 2018 15:58   Ɣran-t : 38 n tikkal
Tcirfust / Taqbuct taɛrabt n yiqusisen : igensasen izzayriyen ttnadin ɣef tigawt n tɣara

LEZZAYER  TAMANEƔT – Semmus n yigensasen izzayriyen yettekkan deg Telɣuɣa taɛrabt n yiqusisen irebḥen taqbuct n tcirfust (irgazen akked tmeṭṭutin), ara d-yeḍrun seg ass n 15 ɣer 25 meɣres 2018 deg Sfakes (Tunes), ad ɛerḍen ad sɣenwen ayen yeffɣen i menwala akken ad rren tallit-nni mucaɛen ideg tella Lezzayer deg temliliyin tigraɣlanin.

Ɣer yirgazen,d tiɣlamin n ESAT Ɛin Tuta akked ESA Arziw ara irefden takbabt ma wwḍen s iswi n tuttya n usettef n tcirfust taɛrabt.

ESAT Ɛin Tuta, yewwḍen sakin texṣer deg temlilit n taggara n teẓrigt yezrin n Teqbuct n Lezzayer mgal n GSP Apiṭrul, ad turar deg tegrawt A akked Club Handball Jammel (Aqusis Tcirfust Jammel) n Tunes, Al-Gharrafa n Qaṭar, Police Club (Aqusis n Temsulta) n Ɛiraq, Al-Ahly Tripoli (Al-Ahly nṬrables (Libya) akked MCO wejda n Merruk, ma d ESA Arziw tekcem deg tegrawt B akked Club sportif Sakiet Ezzit (Aqusis Addalan Sakiet Ezzit (Tunes, bu Teqbuct), Qatar Club (Aqusis n Qaṭar) n tmurt n Qaṭar, Ahly Djeddah n Teɛrabt tasaɛudit, Ittihad Tripoli (Tdukli n Ṭrables) n Libya akked Ahly Sedab n Ɛemman.

Ad bdunt teɣlamin n ESAT akked ESA ass n wamhad (lexmis) mgal, akken i d-mmizwaren, Al-Gharrafa n Qaṭar akked Al-Ahly n Taɛrabt tasaɛudit, deg yiwen n yiswi n urbaḥ n temliliyin seg tazwara.

Tcirfust / Taqbuct taɛrabt n yiqusisen : igensasen izzayriyen ttnadin ɣef tigawt n tɣara
  Yeffeɣ-d ass n : Ttlata, 13 Meɣres 2018 15:58     Taggayt : ADDAL     Ɣran-t : 38 n tikkal   Bḍu