Tamɣunt 1ut n Mobilis (ass n wis 18): Teḍḍef CS Qsenṭina amkan amezwaru deg usettef

Yeffeɣ-d ass n : Ssebt, 27 Yennayer 2018 15:25   Ɣran-t : 220 n tikkal
LDZAYER TAMANEƔT – Deffir rrbeḥ-nnes, ass n laṛebɛa, deg temlilit-nnes mgal USM Belɛebbas s 2 ɣer 1 deg wass wis 18 n Temɣunt 1ut n Mobilis n tcirḍart, teḍḍef amkan amezwaru, yernu tulel-itt deg waya daɣ lexṣara n JS Ṣṣawra deg temlilit-nnes mgal USM Leblida (1 ɣer 0).
 
Ddan, s waya, Yeqsenṭiniyen ɣer Sidi Belɛebbas anda ay rnan tafnat-nsen s yeswi n Lamri (deg tis 12) d Abid (deg tis 55). S waya, tessaweḍ Qsenṭina ad tezwir Ṣṣawra 8 n tenqiḍin yernu tessaweḍ agmuḍ-nnes ɣer 38.
 
JS Ṣṣawra texṣer deg tedqiqt taneggarut n temlilit yernu d ta ay d lexṣara-nnes tis snat seg wasmi ay d-teqqel telɣuɣa. Ma tkemmel akka, tezmer ad texṣer ula d amkan-nnes wis sin i Muludeyya n Ldzayer ass-a n ssebt.
Tamɣunt 1ut n Mobilis (ass n wis 18): Teḍḍef CS Qsenṭina amkan amezwaru deg usettef
  Yeffeɣ-d ass n : Ssebt, 27 Yennayer 2018 15:25     Taggayt : ADDAL     Ɣran-t : 220 n tikkal   Bḍu