Tacirḍart: yuweḍ leɛfu n Ṛebbi wegraɣlan aqbur Akkak Lahlali

Yeffeɣ-d ass n : Lexmis, 25 Yennayer 2018 09:37   Ɣran-t : 228 n tikkal

LEZZAYER TAMANEƔT– Yuweḍ leɛfu n Ṛebbi umarir agraɣlan adzayri aqbur n yiseggasen n 1970, Akkak Lahlali, ass n laṛebnɛa ɣer 65 n yiseggasen deg wesbiṭar n Mustapha-Pacha deg Lezzayer Tamaneɣt, deffir ma yeṭṭerḍeq-as uẓar deg yiɣef, ɣef wakken ay d-tenna Temɣunt n Tcirḍart Tamsadurt deg wesmel-nnes unṣib.  

Akkak, ay yellan d amarir aqbur n NA Ḥusin Dayn, yella yurar deg teɣlamt-a gar 1970 d 1985. Yurar daɣ ɣer yidis n yegraɣlanen am umeṛḥum Mohamed Khedis, Ali Fergani, Mahmoud Guendouz d wesleɣmay aɣelnaw Rabah Madjer.

Deg teɣlamt taɣelnawt, yurar deg yiwet n temlilit mgal Malta, d tin ay ifuken s 1 ɣer 0 ass n 15 Meɣres 1972, ma d timlilit-nnes tis 4 d tneggarut deg teɣlamt taɣelnawt tella-d ass n 14 Fuṛaṛ mgal Ṭṭerk, d tin aydeg texṣer Lezzayer s 4 ɣer 0.

Yettwamḍel umeṛḥum deg tmeqbert n Garidi (Lezzayer Tamaneɣt) tameddit n wass n laṛebɛa. I lmend n waya, tuzen tmehla n Temɣunt n Tcirḍart Tamsadurt izen n uɛezzi i twacult n umeṛḥum.

 

 

 

Tacirḍart: yuweḍ leɛfu n Ṛebbi wegraɣlan aqbur Akkak Lahlali
  Yeffeɣ-d ass n : Lexmis, 25 Yennayer 2018 09:37     Taggayt : ADDAL     Ɣran-t : 228 n tikkal   Bḍu