Menu principal

Menu principal

KUALA LUMPUR – Tafidiṛalit Tanmaḍalmt n Ubadminṭun txebber-d, deg usmel-nnes dakken ttwasemmtent snat n tberziwin tigraɣlanin turẓimin (i yilemẓiyen d yimeqqranen) ay tella tetteddu ad tent-tessuddes Lezzayer deg tgara n Tubeṛ, am wakken ay ttwasemmtent mennaw n tyakiwin tigraɣlanin ɣef lǧal n tegnit tadawsant yeqqnen ɣer tkaɣreft n unfafad bu uqacuc n Covid-19.
LEZZAYER TAMANEƔT – Taɣlamt tazzayrit n tcirḍart ad tili d tamihawt ugar n Tmura n Wadda, ɣef wakken ay d-nnan yineɣmasen d yinemciwṛen addalanen ay d-yessawlen deg terga taddalant tamiksikit n ESPN, yernu wwin-d awal-nsen seg wayen ay d-yenna usleɣmay amiksiki, Geraldo Martino yettwassnen s yisem n Tata.
LEZZAYER TAMANEƔT – Teɣtes Tseqqimt Tulampit d Taddalant n Lezzayer ad d-tcir, deg wussan ay d-yetteddun, tiliẓri-nnes n Internet umi tsemma « Algerian Olympic Channel » yernu d tin ara yilin deg usmel n usezdeɣ n teẓriyin n YouTube, ɣef wakken ay aɣ-d-tenna tsudut-a tulampit.
KLAGENFURT – Taɣlamt tazzayrit n tcirḍart tessaweḍ akken ad tuɣal ɣur temzizelt acku terbeḥ taɣlamt tanijirit s ugmuḍ n 1 ar 0 (aḥric amezwaru 1-0), deg yiwet n temlilit n uqesseṛ i yuraren ass n usimwas (lǧemɛa) deg Worthersee Stadion de Klagenfurt deg Tutrict.
LEZZAYER TAMANEƔT – Yenna-d usleɣmay aɣelnaw Djamel Belmadi dakken afran ay yefren n Nijirya d Miksik deg temliliyin timmidwanin ara d-yilin deg Tubeṛ yella-d imi wi d ifnaten n tɣara yernu aya d ayen ara t-yeǧǧen ad yeddu ɣer sdat.
LEZZAYER TAMANEƔT – Igraɣlanen izzayriyen Djamel-Eddine Benlamri, Adam Ounas d Rachid Ghezzal ṛjan armi d ussan ineggura n umirkaṭu n unebdu n telɣuɣiwin timeqqranin akken ad d-afen tiɣlamin timaynutin aydeg ara uraren yernu ad d-qqlen ɣer teɣlamt taɣelnawt.
LEZZAYER TAMANEƔT – Tafidiralit tazzayrit n tcirḍart (FAF) tcar-d ass n usamas (lḥedd) dakken tessaram ad tekfu tasemhuyt n useggas 2020-2021 deg wayyur n yunyu.
LEZZAYER TAMANEƔT – Aselway n Tegduda, Abdelmadjid Tebboune yesselwi, ass n uynas (letniyen), yiwet n tɣimit n umahil ideg ttekkin uneɣlaf Amezwaru, aneɣlaf n Yilemẓiyen akked waddalen, Amaray n Uwanak deg uɣlif n yilemẓiyen akked waddalen, yettwakelfen s waddal n tedɣrt akked uselway n Tesqamut tulampit tazzayrit, i d-yenna yiwen n ulɣu n Tselwit n Tegduda.
LEZZAYER TAMANEƔT – Ttalsen-as aseqɛed n Unarir n 20 Ɣuct 1955 deg Lezzayer Tamaneɣt, yernu aya ad d-iḥaz tixxamin n usenfel, tiṣeddarin n yimeshanayen, anrar d usfaw i lmend n usewjed-nnes i tsemhuyt tacirḍarant ay d-yetteddun.
LEZZAYER TAMANEƔT – Iqusisen n Temɣunt 1 n tcirḍart, iḥebsen seg 16 meɣres aneggaru almend n waṭan n Unfafad Bu Tesmert (Covid-19), ad zemren tura ad uɣalen s asleɣmu seg wass n usamas (lḥedd) d afella, i wakken ad qablen tasemhuyt tamaynut n 2020-2021, ara iqelɛen ass n 20 wamber i d-iteddun.