Menu principal

Menu principal

Coronavirus : iweṣṣiyen i tfekka tasnajyant i wakken ad qablen akk uguren

Yeffeɣ-d ass n : Ssebt, 25 Yennayer 2020 16:56   Ɣran-t : 5 n tikkal
Coronavirus : iweṣṣiyen i tfekka tasnajyant i wakken ad qablen akk uguren

LEZZAYER  TAMANEƔT – Tafekka  tasnajyant termes iweṣṣiyen i wakken ad tqabel ayen i zemren ad yeḍru, seg i d-iban deg Ccinwa unfafad Coronavirus, i d-yenna ass n usimwas (lǧemɛa) deg Lezzayer tamaneɣt Unemhal n uḥezzeb deg uɣlif n Tdawsa, n ugdud akked tsemmeskelt n yisbiṭaren, amsuji Djamel Fourar.

Lezzayer, isersen yiwen n unagraw n uberreḥ akked uqabel n wayen akk ara d-yekken seg unfafad-a, yefka iweṣṣiyen i wakk imsujiyen i useǧhed n uḥezzeb akked uqabel n wakk imuḍinen ara d-ibanen sya d afella, la yeṭṭafar liḥala yerna la yettraǧu, am wakk timura n umaḍal, iweṣṣiyen n Tuddsa tamaḍalant n tdawsa (OMS) ma yella iban-d unfafad i wakken ad nsers tikamriwin yettɛassan ḥamu deg yinafagen iɣelnawen, i d-yesseɣret umsuji Fourar i Tnegga n Yisalan n Lezzayer.

Am wakk timura nniḍen deg umaḍal, Lezzayer tqubel yakan infafaden yettaɣen s uɣiwel am win  n unfafad, i ibanen deg yiseggasen-a yezri akked unfafad Ebola s trusi n yiwen n unagraw aɣelnaw yerzan aṭan-a.

Last modified on Lḥedd, 26 Yennayer 2020 14:50
Coronavirus : iweṣṣiyen i tfekka tasnajyant i wakken ad qablen akk uguren
  Yeffeɣ-d ass n : Ssebt, 25 Yennayer 2020 16:56     Taggayt : TADAWSA-TUSSNA-TASNASTWILT     Ɣran-t : 5 n tikkal   Bḍu