Menu principal

Menu principal

Isehwa : amḍan n tmettanin yuder deg usḍisyur amezwaru n useggas n 2020

Yeffeɣ-d ass n : Ttlata, 04 Ɣuct 2020 20:11   Ɣran-t : 50 n tikkal
Isehwa : amḍan n tmettanin yuder deg usḍisyur amezwaru n useggas n 2020

LEZZAYER  TAMANEƔT – Yuder s 21,37 % umḍan n tmettanin deg yisehwa n ubrid deg usḍisyur amezwaru n useggas n 2020, akka 352 n yimdanen i imenɛen seg tmettant, s wassaɣ ɣur twala n useggas n 2019, i d-yenna, ass n usinas (ttlata), yiwen n ulɣu n Tmagla taɣelnawt n tɣellist n ubrid.

Yesḥassef daɣen uɣbalu-nni, acku deg twala-nni i d-yebder, mmuten 1232 n yimdanen, ideg llan 1022 d irgazen akked 210 d tulawin, akka yuder s 21,37%, d amḍan n 352 n yimdanen i d-yettwasukksen s wassaɣ ar yiwet n twala n useggas 2019.

Ad nkemmel deg twala i d-nebder ufella, ttwaskelsen 8851 n yisehwa n ubrid i d-yeḍran, akka yuder s 2902. Ma yella d amḍan n yimejraḥ, yewweḍ ar 9632 n yimdanen, akka yuder-d s 26,45%, neɣsen 4288 n yimejraḥ, s wassaɣ s usḍisyur amezwaru n useggas n 2019.

Taggayt n leɛmer yersen gar 18 akked 29, d nettat i yeṭṭuqten deg yisehwa n ubrid i d-yeḍran deg usḍisyur amezwaru n useggas-a, amḍan-nsen 2693 n yimejraḥ, d yiwen n utug n 30,34%.

Igerdan akked yilemẓiyen, i d-yenna uɣbalu-nni, rsen deg tqacuct n wumuɣ n teɣtas n yisehwa n ubrid, wwḍen ar 537 n yilemẓiyen i yemmuten ilan deg leɛmer-nsen 25 neɣ ddaw n yiseggasen, deg yiwet n twala, rnu-as 6499 n yilemziyen d imejraḥ seg teggayt-nni, akka d atug n 54,89 % seg uɣrud n teɣtas.

Isehwa : amḍan n tmettanin yuder deg usḍisyur amezwaru n useggas n 2020
  Yeffeɣ-d ass n : Ttlata, 04 Ɣuct 2020 20:11     Taggayt : TIMETTI     Ɣran-t : 50 n tikkal   Bḍu