Menu principal

Menu principal

Asekcem n taggayin turhifin deg tneflit tadamsant

Yeffeɣ-d ass n : Letniyen, 03 Ɣuct 2020 22:02   Ɣran-t : 34 n tikkal
Asekcem n taggayin turhifin deg tneflit tadamsant

TAMENƔAST – Taneɣlaft n Temsetlelt taɣelnawt, n Twacult akked Liḥala n tmeṭṭut, d taneɣlat n leɛḍil n Umahil, n Usmahel akked Tɣellist tanmettit, Kaoutar Krikou tenna-d dakken tasertit tamaynut n ugzum ters ɣef usekcem n taggayin turhifin deg tneflit tadamsant, s uḍman-nsen n yiwen n usileɣ akked talelt akken ad zemren ad reḍlen idrimen seg Tnegga Taɣelnawt n  n usefrek n tmikruṛmisin (ANGEM).

Deg yiwet n tirzi i tga ass n uynas (letniyen) ɣur ugezdu n Tmenɣast, tenna-d tneɣlaft dakken agzum n Temsetlelt taɣelnawt yers ɣef « usihrew n usemres n tesnatwilt, s usemḍen n wakk isefkan yerzan agzum i wakken  ad nẓer wid yesfaydin akked wamek i tga tallelt-a », tebder-d « aseɣnew n mennaw n yimeẓla iliktrunanen akken ad nẓer imdanen iwessaren yeḥwaǧen akked wid ur nesɛi ara tanezduɣt (gganen beṛṛa), rnu-as ameẓlu n uciwer n twaculin iḥuza Unfafad Bu Tesmert ».

Akken kan i d-iban Unfafad Bu Tesmert, « mennaw n wakaten n uḥezzeb mgal n waṭan-a i yettwaddmen deg wammasen n yimdanen iwessaren akked temṣukin yemmuzgen deg yigerdan yellan deg yir liḥala », i d-tenna.

« Ar ass-a, ur nessekles ula d yiwet n liḥala n tmettant deg wammasen-a », i d-tesseddi Massa Krikou i izulen ussisen n yimehhalen n ugzum deg wayen yerzan amesten n taggayt-a.

Asekcem n taggayin turhifin deg tneflit tadamsant
  Yeffeɣ-d ass n : Letniyen, 03 Ɣuct 2020 22:02     Taggayt : TIMETTI     Ɣran-t : 34 n tikkal   Bḍu