Menu principal

Menu principal

Anfafad Bu Tesmert Covid-19 : Aneggaf adawsan i umesten n yiɣermanen deg tsemhuyt n usnebdu

Yeffeɣ-d ass n : Letniyen, 25 Mayu 2020 22:27   Ɣran-t : 5 n tikkal
Anfafad Bu Tesmert Covid-19 : Aneggaf adawsan i umesten n yiɣermanen deg tsemhuyt n usnebdu

LEZZAYER  TAMANEƔT – Yiwen n uneggaf adawsan i la d-tesseḍray yiwet n tesqamut tatwilant, ideg llan yimazzayen akked yisemzalen n tɣult n tmerrit, ad t-id-ciren deg "wussan i d-iteddun" deg yiwen n yiswi n umesten adawsan n yiɣermanen akked usinef n uzuzzer n unfafad Bu Tesmert Covid-19 ladɣa deg tsemhuyt n usnebdu, i d-yenna Mass Abdelkader Ghaouti, Asemtar n uneɣlaf n Tmerrit, n Tinḍi akked Umahil awaculan.

Deg yiwet n tseɣrut i Tnegga n Yisalan n Lezzayer, yesseddi-d Mass Ghaouti dakken tasqamut-a, i yersen melmi kan deg uɣlif, la tetteddu "ad tekfu aneggaf adawsan ideg yella yiwen n umazrar n yiḥezziben idawsanen yerzan isensa, tineggiwin n tmerrit akked yisemzalen nniḍen, i lmend n twala ara d-yezgen deffir n tukksa n ukman, i tuɣalin n yirmad n tmerrit deg tewtilin tidawsanin iḍemnen, nekni yellan ɣef umnaṛ n tsemhuyt n usnebdu".

Yers deg ukatar n uzenziɣ anemhal n uṣeggem, aneggaf-a nefka-t i yimazzayen, i yimsaduren akked yisemzalen n tmerrit i uskasi akked usekyed, i wakken ad naweḍ ɣer n yiswi "n wakaten n yiḥezziben akked umesten ara aɣ-yessinfen seg unṭaḍ akked uzuzzer n waṭan n unfafad Bu Tesmert Covid-19 deg tsemhuyt n usnebdu", i d-yessezgi.

"Ad nessedger aneggaf-a i temṣukin terza temsalt, i yiɣlifen n Ugensu akked win n Tdawsa i usbuɣer-is, uqbel ad ten-nesseddu deg unnar", i yerna yenna-d.

Anfafad Bu Tesmert Covid-19 : Aneggaf adawsan i umesten n yiɣermanen deg tsemhuyt n usnebdu
  Yeffeɣ-d ass n : Letniyen, 25 Mayu 2020 22:27     Taggayt : TIMETTI     Ɣran-t : 5 n tikkal   Bḍu