Menu principal

Menu principal

Tamenɣest: Tissit n watay d ansay aqbur deg wayyur n Remḍan

Yeffeɣ-d ass n : Laṛebɛa, 20 Mayu 2020 13:43   Ɣran-t : 63 n tikkal
Tamenɣest: Tissit n watay d ansay aqbur deg wayyur n Remḍan

TAMENƔEST – Tisehṛiwin d umyager gar wayt twacult deg Remḍan d ayen yettwasnen seg zik deg Tmenɣest yernu d ansay aydeg mazal ṭṭfen medden ula aseggas-a, ula ma tella-d tkaɣreft n unfafad bu uqacuc.

Asekmen ay d-yellan i lmend n uḥezzeb mgal tkaɣreft d ayen ay yeǧǧan ayt uxxam ad ttɣimin ugar gar-asen akken ad kken akud igerrzen deg tsehṛiwin n Remḍan. S waya, ttemlilin-d akk wayt uxxam ɣer « tdabut n watay », ttezzin-d i yirrij, ttessen atay, ttqeṣṣiren. Naqal, deg beṛṛa ay llan ttekken medden tisehṛiwin-a d yimdiwen d yinaragen-nsen.  

Lahcene Karbadou, izedɣen deg ugmam n Thaggaṛt, yenna-d dakken ansay-a ssewjaden-as-d uqbel ad yedden lmeɣreb, s usewjed n yiqbac d yisegren ayyes d-ssewwayen atay-nni, yernu ttessen atay akken ad d-dduqqsen yinaẓumen.

S waya, mi d-heyyan irrij n yireg neɣ n usɣar, iqbac d yisegren (atay, askeṛ d nneɛnaɛ), ad d-temsegraw twacult deffir yimekli akken ad tsew atay. Yal yiwen ad isew kraḍ n yigraten n watay, yernu ad yerr nneɛnaɛ deg ugra wis sin d wis kraḍ.

 

Tamenɣest: Tissit n watay d ansay aqbur deg wayyur n Remḍan
  Yeffeɣ-d ass n : Laṛebɛa, 20 Mayu 2020 13:43     Taggayt : TIMETTI     Ɣran-t : 63 n tikkal   Bḍu