Menu principal

Menu principal

Tafidiṛalit Tazzayrit n Yimsudren: Tiɣri i usfugel n Lmulud « war iḥeṛbiyen »

Yeffeɣ-d ass n : Letniyen, 19 Wamber 2018 12:49   Ɣran-t : 1880 n tikkal
Tafidiṛalit Tazzayrit n Yimsudren: Tiɣri i usfugel n Lmulud « war iḥeṛbiyen »

WEHṚAN – Tger-d tiɣri Tfidiṛalit Tazzayrit n Yimsudren, ass n usamas (lḥedd), i uɣanzu n wakk iḥeṛbiyen, am wakken ay d-tger tiɣri i usfugel d « adawsan » n Lmulud.

« Assenzi n yiḥeṛbiyen d arusḍif yernu yettḍurru ama d tadawsa tanagdudt, ama d tadamsa taɣelnawt », ɣef wakken ay d-yenna uselway n Tfidiṛalit Tazzayrit n Yimsudren, Zaki Hariz, deg yiwen n ulɣu ay d-yuzen i Tnegga n Yisalan n Lezzayer.

I lmend n waya, iḥettet-d Mass Hariz dakken yessefk ad ttwaɣanzun yiḥerbiyen d wakk tiɣawsiwin niḍen ay yettnuzun s tammakt tarusḍift deg wulzuz aralɣan.

Iwekked-d daɣ dakken yessefk ad d-yili umahil n ussegmi d usḥulfu ama i yimawlan, ama i yimeggiyen inmettiyen akken ad sbeɣsen ilemẓiyen ad ddun ad lemden isaduren deg wammasen n ussileɣ.

Seg yidis niḍen, yenna-d umasay-a dakken ma yella rekden watigen n yifarisen n ussuder ameqran, yessefk ad sɛun yimsenza d teṛmisin ṛṛuḥ n tmasit

Tafidiṛalit Tazzayrit n Yimsudren d tin aydeg ttekkant zal n 30 n tiddukliwin n twilayin, gar-asent tin n Wehṛan ay yesselwi Zaki Hariz.

Tafidiṛalit Tazzayrit n Yimsudren: Tiɣri i usfugel n Lmulud « war iḥeṛbiyen »
  Yeffeɣ-d ass n : Letniyen, 19 Wamber 2018 12:49     Taggayt : TIMETTI     Ɣran-t : 1880 n tikkal   Bḍu