Menu principal

Menu principal

Amsazwar agraɣlan n tsenṛubut: Rran tajmilt i yisnawanen

Yeffeɣ-d ass n : Lḥedd, 27 Ctembeṛ 2020 09:45   Ɣran-t : 4 n tikkal
Amsazwar agraɣlan n tsenṛubut: Rran tajmilt i yisnawanen

LEZZAYER TAMANEƔT – Yemmuger uneɣlaf anesmigal ɣer uneɣlaf amenzu d-yelhan s tdamsa n tmussni, Yacine El-Mahdi Oualid, ass n usiḍyas deg Lezzayer Tamaneɣt, yiwet n teɣlamt n yisnawanen ay irebḥen amsazwar agraɣlan n tsenṛubut ay ssuddsen deg Kurya n Unẓul aydeg derwen s yiwen n usenfar d asfaran yerzan tinigert tamiɣist.

« S teḍfi ay nemmuger ilemẓiyen-a. Aya yesskanay-aɣ-d dakken Lezzayer tesɛa uẓwiren yernu deg yimal, tamurt-nneɣ ad tili gar yifassen yelhan », ɣef wakken ay d-yenna uneɣlaf anesmigal deg yiwen n umyager d tɣemsa deg yijifeṛ n tfugla-a, am wakken ay d-yerna dakken « almad n yimeslayen n usihel yeqqel d ayen yessefken ».

Ɣef leḥsab-nnes, tagrawla tamgurant tis kuẓet d tin aydeg yessefk ad tettwales tmuɣli deg tussniwin ara yettwaslemden i yigerdan-nneɣ, am wakken ay d-iwekked dakken yessefk ad ttunefken wammaken i yilemẓiyen-a akken ad msizewren d tmura yennegman deg wayen yerzan tasnatwilt.

I lmend n waya, ixebber-d Mass El Mahdi Oualid dakken agezdu-nnes aɣlifan yessefray ad d-yeg mennaw n yisenfaren n tnaremt n usfar (Fablab) akken ad afen yilemẓiyen-a amek mahlen s uslelli n tsugint-nsen ».

Yenna-d daɣ dakken yessaram tarmit-a ay gan yilemẓiyen-a n twilayt n Sḍif ad d-tili daɣ sɣur yilemẓiyen n twilayin niḍen.

Younes, yesɛan 15 n yiseggasen yernu d yiwen seg yisnawanen yettekkan deg umsazwar-a, d amaslaḍ deg yiwen n uɣerbaz n ulmad n usihel d tsenṛubut deg Sḍif yernu ixebber-d dakken taɣlamt-nnes tga-d asenfar-a s umahil anemgag ɣef lǧal n tezɣent tadawsant ay iḥuzan amaḍal.  

 

 

Amsazwar agraɣlan n tsenṛubut: Rran tajmilt i yisnawanen
  Yeffeɣ-d ass n : Lḥedd, 27 Ctembeṛ 2020 09:45     Taggayt : TADAWSA-TUSSNA-TASNASTWILT     Ɣran-t : 4 n tikkal   Bḍu