Menu principal

Menu principal

Anfafad Buqacuc : 469 n lihalat timaynuti akked tmettant n 10 n yimuḍinen deg 24 n yisragen-a ineggura

Yeffeɣ-d ass n : Lexmis, 09 Yulyu 2020 11:29   Ɣran-t : 0 n tikkal
Anfafad Buqacuc : 469 n lihalat timaynuti akked tmettant n 10 n yimuḍinen deg 24 n yisragen-a ineggura

 

LEZZAYER  TAMANEƔT – Kuẓ n yimiḍiyen sḍimraw d tẓa n liḥalat timaynutin yettwatebten yeṭṭef Unfafad Buqacuc (Covid-19), sin n yimiḍiyen kramraw d semmus (235) n wid yejjin akked tmettant n mraw (10) n yimuḍinen i yettwakelsen deg 24 n yisragen-a ineggura deg tmurt n Lezzayer, i d-yenna ass n ukras (larebɛa) umutlay n Tesqamut tussnant n uḍfar n umhaz n waṭan n Unfafad Buqacuc, Amsujji Djamel Fourar.

Aɣrud n liḥalat yettwatebten yewweḍ ar 17348, akka 39 n liḥalat i 100.000 n yimezdaɣen, win n tmettanin yewweḍ ar 978 n yimdanen, ma d amḍan n yimuḍinen yejjin yezger ar 12329, i d-yesseddi Umsujji Fourar, deg temlilit tayalast akked tɣamsa yerzan amhaz n waṭan n Unfafad Buqacuc Covid-19.

Iger-d tamawt almend n waya, dakken imdanen yesɛan deg Leɛmer-nsen 60 neɣ ugar n yiseggasen ggensasen 75% seg uɣrud n tmettanin. Rnu-d, deg 35 n yigezda skelsen itugen ddaw n utug aɣelnaw, ma deg 9 iḍen ur skelsen ula d yiwet n liḥala i yeṭṭef unfafad Buqacuc deg 24 n yisragen-a ineggura.

Ɣef wakken i d-yenna uɣbalu-nni, deg 16 n yigezda skelsen gar 1 akked 5 n liḥalat, ma deg 23 iḍen zemlen ugar n 6 liḥalat i yal yiwen deg-sen.

Seg yidis-iḍen, 52 n yimuḍinen ha-ten-in ddaw n tmacinin n usnuffes, i d-yenna Umsujji Fourar.

Deg taggara, yezzireg-d umasay-nni dakken "liḥala tasnanfafadant n yimir-a tḥettem ɣef wakk iɣermanen taɛessast akked usnas n yilugan n tezdeg tafekkant", yesmekti-d "lwaǧeb n uqader n ukman akked tmelsiwt n tgelmust".

 

 

Anfafad Buqacuc : 469 n lihalat timaynuti akked tmettant n 10 n yimuḍinen deg 24 n yisragen-a ineggura
  Yeffeɣ-d ass n : Lexmis, 09 Yulyu 2020 11:29     Taggayt : TADAWSA-TUSSNA-TASNASTWILT     Ɣran-t : 0 n tikkal   Bḍu