Menu principal

Menu principal

Anfafad Buqacuc /eTabib.dz : ugar n 2.600 i igan tirzi tasnajyant seg taggara n meɣres ar ass-a

Yeffeɣ-d ass n : Ttlata, 07 Yulyu 2020 11:14   Ɣran-t : 0 n tikkal
Anfafad Buqacuc /eTabib.dz : ugar n 2.600 i igan tirzi tasnajyant seg taggara n meɣres ar ass-a

LEZZAYER  TAMANEƔT - Ugar n 2.600 n yimdanen i igan tirzi tasnajyant s wallal n Internet, ladɣa wid yerza waṭan n Unfafad Buqacuc (covid-19), seg taggara n wayyur n meɣres aneggaru ar ass-a, aya s umeẓlu asnajyan eTabib.dz, yefka i uɣerman azzayri tagnit i wakken ad yerzu ɣef umsujji baṭel s usiwel-avidiyu s wallal n  n internet, i d-yenna ass n uynas (letniyen) i Tnegga n Yisalan n Lezzayer umesbeddi n tɣerɣert eTabib.dz, Amsujji Mustapha Nabil.

"Tirza tisnajyanin s wallal n internet eTabib gan-ten yimuḍinen izzayriyen rnan ula d iwerdaniyen, sfaydin seg yimeẓla-nni baṭel", i d-yesseddi Umsujji Mustapha Nabil, yellan daɣen d amesbeddi n teṛmist n tesnatwilin timaynutin Ibn Hamza, yemmuzgen deg tifrat n tdawsa.

Yesmekti-d umsujji Mustapha dakken taɣerɣert eTabib.dz d tamezwarut deg wayen yerzan tirza tisnajyanin s wallal n internet deg umenẓaw afriqi, akka ad temreḍ ad ḍefreḍ adawi n yimuḍinen war ma mbawlen seg yimeḍqan-nsen.

Yesmekti-d dakken eTabib tettwacar d acrik, deg taggara n meɣres, akked yiwen n uẓeḍwu n yimsujjiyen, deg wakk timezzugin ttekkan deg-s wugar n 100 n yimsujiyen deg yiwen n yiswi n usenɣes n uzuzzer n waṭan n Unfafad Buqacuc Covid-19. Ahil-a sfaydin seg-s Yizzayriyen ula d wid yeddren berra n tmurt, dindin ad zemren ad walin amsujji.

Iwekked-d Umsujji Mustapha Nabil dakken taḥanut-a n yisnasen isnajyanen yerzan imsaduren n tdawsa d taɣawsa tamezwarut i d-yeḍran deg Tefriqt, yerna ggtent deg twuriyin i izemren ad ddunt akked wayen teḥwaǧ yal tamezzug.

Anfafad Buqacuc /eTabib.dz : ugar n 2.600 i igan tirzi tasnajyant seg taggara n meɣres ar ass-a
  Yeffeɣ-d ass n : Ttlata, 07 Yulyu 2020 11:14     Taggayt : TADAWSA-TUSSNA-TASNASTWILT     Ɣran-t : 0 n tikkal   Bḍu