Menu principal

Menu principal

Anfafad Buqacuc : 336 n liḥalat timaynutin akked tmettant n 7 n yimuḍinen deg 24 n yisragen-a ineggura

Yeffeɣ-d ass n : Ttlata, 30 Yunyu 2020 20:43   Ɣran-t : 0 n tikkal
Anfafad Buqacuc : 336 n liḥalat timaynutin akked tmettant n 7 n yimuḍinen deg 24 n yisragen-a ineggura

LEZZAYER  TAMANEƔT – Kraḍet n tmiḍiyin kramraw d sḍis (336) n liḥalat timaynutin i yettwatebten yeṭṭef-iten Unfafad Buqacuc (Covid-19), sin n yimiḍiyen simraw d sin (223) n yimdanen yejjin akked tmettant n sa (07) n yimuḍinen i skelsen deg 24 n yisragen-a ineggura deg Tmurt n Lezzayer, i d-yenna ass n usinas (ttlata) deg Lezzayer tamaneɣt, umutlay n Tesqamut tussnant n uḍfar n umhaz n waṭan n Unfafad Buqacuc (Covid-19), Amsujji Djamel Fourar.

Aɣrud n liḥalat yettwatebten yewweḍ ar 13907, akka 31,7 n liḥalat i 100.000 n yimezdaɣen, win n tmettanin ar 912 ma d amḍan n wid yejjin yezger ar 9897, i d-yesseddi Umsujji Djamel Fourar, deg temlilit tayalast akked tɣamsa yerzan amhaz n waṭan n Unfafad Buqacuc (Covid-19).

Iger-d tamawt, almend n waya, dakken imdanen yesɛan deg leɛmer-nsen 60 neɣ ugar n yiseggasen ggensasen 75% n uɣrud n tmettanin.

Rnu-d, deg 32 n yigezda skelsen itugen yellan ddaw n utug aɣelnaw, ma deg 14 iḍen ur skelsen ula d yiwet n liḥala tamaynut yeṭṭef Unfafad Buqacuc deg 24 n yisragen-a ineggura. Ɣef wakken i d-yenna uɣbalu-nni, 17 n yigezda skelsen seg gar 1 ar 5 n liḥalat akked 17 yigezda-iḍen skelsen ugar n sḍis n liḥalat timaynutin i yal yiwen deg-sen.

Seg yidis-iḍen, 47 n yimuḍinen ha-ten-in ddaw n tmacinin n usnuffes, i d-yenna Umsujji Djamel Fourar.

Deg taggara, yenna-d dakken liḥala tasnanfafadant n yimir-a tḥettem-d ɣef yal aɣerman taɛessast akked usmahel n yilugan n tezdeg akked tid n usmecceq afekkan, yerna yesmekti-d dakken yessefk ad nqader akman akked tmelsiwt n tgelmust.

Yerna yesmekti-d daɣen i wakken ad nɛas tadawsa n yiwessaren ladɣa wid yuḍnen aṭanen ur n ḥellu.

Anfafad Buqacuc : 336 n liḥalat timaynutin akked tmettant n 7 n yimuḍinen deg 24 n yisragen-a ineggura
  Yeffeɣ-d ass n : Ttlata, 30 Yunyu 2020 20:43     Taggayt : TADAWSA-TUSSNA-TASNASTWILT     Ɣran-t : 0 n tikkal   Bḍu