Menu principal

Menu principal

Benbouzid yekcef-d tuzwirin n ugzum n tdawsa i wasmi ara yettwakkes usekmen

Yeffeɣ-d ass n : Ttlata, 26 Mayu 2020 13:39   Ɣran-t : 174 n tikkal
Benbouzid yekcef-d tuzwirin n ugzum n tdawsa i wasmi ara yettwakkes usekmen

LEZZAYER TAMANEƔT – Yekcef-d uneɣlaf n tdawsa, Abderrahmane Benbouzid, igellusen igejdanen umi ara tettunefk tuzwirt deffir ma yettwakkes usekmen ay d-yettwaḥettmen ɣef tmurt ɣef lǧal n unfafad bu uqacuc.

Deg yiwet n tdiwennit d Tnegga n Yisalan n Lezzayer, yenna-d uneɣlaf n tdawsa dakken agellus amezwaru d win aydeg ara d-lhun s tsednan s tadist d wugur n taceṛt n yimeẓla n tesnalta d tarrawt deg yisegnafen.

Agellus wis sin d tamsalt n yimuḍinen n ufurray yernu llant-d terza ɣef kra n wammasen imgelfurrayen akken ad nadin amek ara ten-rren « ssadafen-d ugar n yidrimen », am wakken ay d-ssewjaden ad reẓmen ammasen imgelfurrayen imaynuten am win n Ǧelfa.

Aneɣlaf yebder-d daɣ ugur n taceṛt n yimeẓla n tetrabin tisnajyanin-tigfusanin deg yisegnafen imeqranen n tmurt, yernu yenna-d daken swedjen-t aɣawas n usuddes n yimeẓla-a akken ad yenqes fell-asen lḥeṛs.

Deg wayen yerzan tukksa n usekmen ay d-yellan ɣef lǧal n unfafad bu uqacuc, yenna-d Upṛufisur Benbouzid dakken aya iban ad d-yili yernu Lezzayer tessewjed iman-nnes akken ad tekkes asekmen seg wasmi ay yenqes umḍan n tejṛa n unfafad bu uqacuc d wid yettmettaten seg waḍḍan-a.

 

Benbouzid yekcef-d tuzwirin n ugzum n tdawsa i wasmi ara yettwakkes usekmen
  Yeffeɣ-d ass n : Ttlata, 26 Mayu 2020 13:39     Taggayt : TADAWSA-TUSSNA-TASNASTWILT     Ɣran-t : 174 n tikkal   Bḍu