Menu principal

Menu principal

Asedger n tgelmusin bennan i yimdanen uṛhifen seg tgara n yimalas-a

Yeffeɣ-d ass n : Ljemɛa, 22 Mayu 2020 12:12   Ɣran-t : 10 n tikkal
Asedger n tgelmusin bennan i yimdanen uṛhifen seg tgara n yimalas-a

LEZZAYER TAMANEƔT – Ad ttwasdegrent tgelmusin mgal unfafad bu uqacuc bennan i lfayda n yimdanen uṛhifen seg tgara n yimalas-a d asawen deg wakk timnaḍin n tmurt, ɣef wakken ay d-yenna, ass n ukwas, uneɣlaf anesmigal d-yelhan s temguri tawesfart, Lotf Benbahmed.

« Ad yebdu usedger abennan n yimelyunen n tgelmusin deg tgara n yimalas-a deg wakk timnaḍin n ugelluy aɣelnaw. Iwaliyen ttwaweṣṣan-d dakken ad sdegren tigelmusin i yimdanen iferkaken deg 48 n twilayin n tmurt », ɣef wakken ay d-yenna uneɣlaf deg umyager ayalas d tɣemsa ay d-yettilin ɣef tecrawt n unfafad bu uqacuc deg Lezzayer.

Ma d imdanen niḍen, ad zemren ad d-sɣen ama d tigelmusin timlelliyin neɣ tigfusanin seg tnesfarin, ɣef wakken ay d-ixebber.

« I lmend n waya, nga timlilit ass-a (akwas) gar yigzumen yemgerraden (d tin aydeg ttekkan 7 n yiɣlifen) i uheyyi n tsertit d tucrikt deg wayen yerzan afares d usedger n tgelmusin n uḥezzeb imi ara teqqel tmelsiwt-nsent d tuḥtimt seg wass amezwaru n Lɛid Ameẓyan », ɣef wakken ay d-yenna Mass Benbahmed, am wakken ay d-yerna dakken « tigelmusin timlelliyin ad swunt azal n 40 n yidinaṛen, ma d tigelmusin tigfusanin ad swunt 90 n yidinaṛen ».

Ass n ukras, anabaḍ yeɣtes ad yerr timelsiwt n tgelmusin d « tuḥtimt s umqat » deg tallunin tinagdudin seg wass amezwaru n Lɛid Ameẓyan i lmend n umennuɣ d amellil ugar mgal unfafad bu uqacuc deg tallit-a aydeg yettegget umsegraw gar medden.

 

 

Asedger n tgelmusin bennan i yimdanen uṛhifen seg tgara n yimalas-a
  Yeffeɣ-d ass n : Ljemɛa, 22 Mayu 2020 12:12     Taggayt : TADAWSA-TUSSNA-TASNASTWILT     Ɣran-t : 10 n tikkal   Bḍu