Menu principal

Menu principal

Anfafad Bu Tesmert Covid19 : 176 n liḥalat timaynutin, 121 i yejjin akked 6 n tmettanin deg Lezzayer deg 24 n yisragen ineggura

Yeffeɣ-d ass n : Ttlata, 19 Mayu 2020 20:15   Ɣran-t : 49 n tikkal
Anfafad Bu Tesmert Covid19 : 176 n liḥalat timaynutin, 121 i yejjin akked 6 n tmettanin deg Lezzayer deg 24 n yisragen ineggura

LEZZAYER  TAMANEƔT – Amiḍi samraw d sḍis (176) n liḥalat timaynutin yeṭṭef unfafad, 121 n yimuḍinen yejjin akked tmettant n 6 n yimdanen i skelsen deg 24 n yisragen-a ineggura deg Lezzayer, i d-yenna ass usinas (ttlata) deg Lezzayer tamaneɣt umutlay n tesqamut tussnant n uḍfar akked umhaz n unfafad Bu Tesmert Covid-19, Djamel Fourar.

Yesseddi-d Mass Fourar, deg temlilit tayalast akked tɣamsa ɣef uḍfar n umhaz n waṭan, dakken amḍan n liḥalat yettwatebten yewweḍ ɣer 7377, win n tmettanin ɣer 561, ma d aɣrud n yimuḍinen yejjin yezger ɣer 3746.

Liḥalat timaynutin n tmettanin skelsen-tent deg Blida, Wehran, Sṭif, Tihert, Waregla akked Sidi Belɛebbas, ma d aɣrud n liḥalat yettwatebten yuzzar ɣef 48 n yigezda n tmurt.

Seg yidis n leɛmer n yimuḍinen, imdanen yesɛan deg leɛmer-nsen seg gar 25 ɣer 60 n yiseggasen llan deg-sen 57% seg uɣrud n liḥalat yettwatebten, ma d imɣaren ilan deg leɛmer 65 n yiseggasen neɣ ugar llan 65% n wid yemmuten.

Yenna-d umsuji Fourar dakken 19 n yigezda ur skelsen ara imuḍinen imaynuten asinas-a (letniyen), yesseddi-d dakken Lezzayern Sṭif, Ɛennaba, Tixencelt akked Qsenṭina d igezda ideg skelsen amḍan ameqqran n liḥalat timaynutin deg 24 n yisragen-a ineggura.

Yerna yenna-d mass Fourar, dakken amḍan n yimuḍinen i yesfaydin seg udawi yewweḍ ɣer 12433, ideg llan 5220 n yimuḍinen s ukayad PCR akked 7213 n liḥalat ideg cukken ɣef wakken i nwala deg tugna n uskanir, ma 26 n yimuḍinen nniḍen ha-ten-in ddaw n tmacinin.

Deg taggara, amasay-nni yezzireg-d dakken akk aferreḍt ara yilin deg wussan ineggura n wayyur n Ṛemḍan akked wussan n Lɛid tameẓyant deg wayen yerzan aqader n wakaten n uḥezzeb ad yessedrem ussisen n uḥbas n waṭan, yeɣra-d i yiɣermanen i wakken ad qadren asmecceq anmetti akked wakaten n uḥezzeb.

Anfafad Bu Tesmert Covid19 : 176 n liḥalat timaynutin, 121 i yejjin akked 6 n tmettanin deg Lezzayer deg 24 n yisragen ineggura
  Yeffeɣ-d ass n : Ttlata, 19 Mayu 2020 20:15     Taggayt : TADAWSA-TUSSNA-TASNASTWILT     Ɣran-t : 49 n tikkal   Bḍu