Menu principal

Menu principal

Anfafad Covid19 : 198 n liḥalat timaynutin, 98 n wid yejjin akked 6 n tmettanin deg 24 n yisragen ineggura

Yeffeɣ-d ass n : Lḥedd, 17 Mayu 2020 19:23   Ɣran-t : 98 n tikkal
Anfafad Covid19 : 198 n liḥalat timaynutin, 98 n wid yejjin akked 6 n tmettanin deg 24 n yisragen ineggura

LEZZAYER  TAMANEƔT – Amiḍi tẓamraw d tam (198) n liḥalat itebten yeṭṭef unfafad Bu Tesmert, 98 n timuḍinen yejjin akked tmettant n 6 n yimdanen i skelsen deg tenzagt n 24 n yisragen ineggura deg Lezzayer, i d-yenna ass n usamas (lḥedd) deg Lezzayer tamaneɣt umutlay n Tesqamut tussnant n uḍfar n umhaz n waṭan n unfafad Bu Tesmert, Djamel Fourar.

Yesseddi-d Mass Fourar, deg temlilit tayalast akked tɣamsa ɣef uḍfar n umhaz n waṭan, dakken amḍan n liḥalat yettwatebten yewweḍ ɣer 7019, win n tmettanin yewweḍ ɣer 548, ma d aɣrud n wid yejjin yewweḍ ɣer 3507.

Liḥalat n tmettant skelsen-tent deg yigezda n Lezzayer, Tubiret, Tihert, Qsenṭina, Burǧ Buɛririǧ akked Tbatent, ma d aɣrud n wid yettwatebten yuzzar deg 48 n yigezda.

Asiḍen s leɛmer, imdanen yesɛan deg leɛer-nsen seg gar 25 ɣer 60 n yiseggasen deg-s 57% seg uɣrud n liḥalat yettwatebten, ma d imdanen yesɛan deg leɛmer-nsen seg 65 n yiseggasen d afella deg-sen 67% n liḥalat n tmettant.

Ɣef wakken i d-yenna umasay-nni, 22 n yigezda ur skelsen ara imuḍinen imaynuten asamas-a (lḥedd), ma d 15 n yigezda nniḍen skelsen gar yiwen akked semmus n liḥalat, akked 11 nniḍen skelsent ugar n semmus n liḥalat.

Igezda n Lezzayer, Wehran, Qsenṭina, Tipaza akked Sḍif skelsen amḍan ameqqran n liḥalat timaynutin deg 24 n yisragen ineggura, ɣef wakken i d-yenna uɣbalu-nni.

Yerna yenna-d Mass Fourar, dakken amḍan n yimdanen i nessekyed yewweḍ ɣer 11.754, ideg llan 4942 yetbet deg-sen waṭan ɣef i d-nnan yikayaden PCR akked 6812 ideg cukken ɣef wakken i d-yedda deg tugna n uskanir, ma 26 n yimuḍinen ha-ten-in ddaw n tmacinin.

Deg taggara, yesmekta-d umasay-nni, i tikkelt nniḍen, iɣermanen akken ad qadren asmecceq anmetti akked wakaten n uḥezzeb, anagar aya ara yesḥebsen azuzzer n waṭan-a.

 

Last modified on Letniyen, 18 Mayu 2020 11:56
Anfafad Covid19 : 198 n liḥalat timaynutin, 98 n wid yejjin akked 6 n tmettanin deg 24 n yisragen ineggura
  Yeffeɣ-d ass n : Lḥedd, 17 Mayu 2020 19:23     Taggayt : TADAWSA-TUSSNA-TASNASTWILT     Ɣran-t : 98 n tikkal   Bḍu