Menu principal

Menu principal

Anfafad Bu Tesmert Covid-19 yefka-d ttbut n "tesmedna" n Tesdawit tazzayrit

Yeffeɣ-d ass n : Ljemɛa, 15 Mayu 2020 19:05   Ɣran-t : 212 n tikkal
Anfafad Bu Tesmert Covid-19 yefka-d ttbut n "tesmedna" n Tesdawit tazzayrit

LEZZAYER  TAMANEƔT – Aneɣlaf n Uselmed unnig agged Unadi ussnan, Chems Eddine Chitour, yenna-d tumert-is ass n ukwas (lexmis) deg Lezzayer tamaneɣt ɣef uṣlaḥ teṣleḥ Tesdawit tazzayrit deg umennuɣ mgal n unfafad Bu Tesmert Covid-19.

"Anfafad Bu Tesmert Covid-19 yefka-d ttbut dakken Tasdawit n Lezzayer teṣleḥ yerna tella deg-s tesmedna yegnen", i d-yenna Mass Chitour deg yiwen n umyiger-askasi deg Wammas n unadi ɣef telɣut tussnant akked tetwilant (CERIST), i yessedda unemhal amatu n unadi ussnan akked usnefli asnatwilan, Hafid Aourag.

Yerna daɣen yesnemmer amɣiwan asdawan azzayri akked yinelmaden, ɣef "wussisen i gan akked tẓerfernant-nsen" i wakken ad qablen aṭan, yezzireg-d dakken "fkan-d ttbut dakken sɛan iketturen n tidet, ɣas akken deg liḥala taweɛrant i llan".

Yerna yenna-d uneɣlaf dakken aɣlif-is "ur icuḥ ara i wussisen-is i wakken ad yessefrir tiwza, i wakken ad zemrent ad kemmlent almad-nsent deg tewtilin yelhan akked tallalt-nsent i wakken ad awint agerdas".

Deg wayen yerzan unelmaden n yiseggasen ineggura, Mass Chitour yenna-d : "ad neg akk tazmert-nneɣ i wakken ad ten-nallel ad afen amahil deg ukatar n tmikru-tiṛmisin akked teṛmisin n tesnatwilin timaynutin".

Deg wayen yerzan rwaḥ ɣer uselmed n tanglizit, aneɣlaf yenna-d dakken "akk tumura n umaḍal la leḥḥunt ɣer tanglizit. Yessefk ad ruḥ ula d nekni", yezzireg-d dakken tikli-a "d abrid i lebda".

"Ad nruḥ ɣer tanglizit s leḥder. Azgar ɣer tanglizit yetbet maca ur yessefk ara ad yeḍru s uɣiwel", i yerna yenna-d Mass Chitour, yesseddi-d dakken "nezwer agbur mačči taduli-s".

Last modified on Ttlata, 26 Mayu 2020 13:41
Anfafad Bu Tesmert Covid-19 yefka-d ttbut n "tesmedna" n Tesdawit tazzayrit
  Yeffeɣ-d ass n : Ljemɛa, 15 Mayu 2020 19:05     Taggayt : TADAWSA-TUSSNA-TASNASTWILT     Ɣran-t : 212 n tikkal   Bḍu