Ugar n 2.300 n tejṛa n tbuzewwaɣt deg 13 n twilayin, 5 ay yemmuten – Amasay

Yeffeɣ-d ass n : Letniyen, 12 Meɣres 2018 14:46   Ɣran-t : 22 n tikkal
Ugar n 2.300 n tejṛa n tbuzewwaɣt deg 13 n twilayin, 5 ay yemmuten – Amasay

LDZAYER TAMANEƔT – S ujemmal, 2.317 n tejṛa n tbuzewwaɣt ay d-yettwaḥesben deg 13 n twilayin n tmurt, 1.047 seg-sen deg Wad Suf d 797 deg Waregla, ɣef leḥsab n tecrawt ay d-iga, ass n lḥedd, weɣlif n tdawsa, ɣef wakken ay d-yenna, ass n letniyen deg Ldzayer Tamaneɣt, unemhal n uḥezzeb n weɣlif-a, Djamel Fourar.

Yerna-d umasay-a dakken 5 ay yemmuten seg wasmi ay d-iban waḍḍan-a ass n 25 Yennayer 2018 deg Wad Suf.

S ujemmal, 4 n tuɣdaḍin ay yuzen weɣlif n tdawsa seg wayyur n Fuṛaṛ ɣer snat-nni n twilayin ay tḥuza ugar taluft, am wakken ay tettwazen tuɣdaḍt ɣer Illizi, yernu ixebber-d dakken 112.000 n yemdanen umi gan tagezzayt deg Wad Suf ɣer yidis n 68.000 n yemdanen niḍen deg Waregla.

Yenna-d umasay-a dakken aḍḍan-a n tbuzewwaɣt ay d-ibanen ussan-a yekka-d seg ccwal ay d-yellan deg tḥemla n tgezzayt n Meɣres 2017, mi « kukran » yimawlan ad gen tagezzayt-a i warraw-nsen, yernu yenna-d dakken ala 45% seg yigerdan umi gan tagezzayt imir-nni deg wakud aydeg aɣlif yessarem ad tt-yeg i 95%. Ɣef waya ay d-yenna dakken taɣawsa am ta d tin aydeg ay yezmer ad d-iban waḍḍan yernu ad yezreɛ.

S waya, iɛeyyen-d umasay-a ɣef umihi n waḍḍan-a ay yellan d yiwen seg waḍḍanen ay ineṭṭḍen s tefses ama d igerdan, ama d imengaḍen, am wakken ay d-yerna dakken imdanen ay terza temsalt  n tgezzayt d wid ay yesɛan gar 6 n wayyuren d 40 n yiseggasen.  

 

Last modified on Letniyen, 12 Meɣres 2018 14:48
Ugar n 2.300 n tejṛa n tbuzewwaɣt deg 13 n twilayin, 5 ay yemmuten – Amasay
  Yeffeɣ-d ass n : Letniyen, 12 Meɣres 2018 14:46     Taggayt : TADAWSA-TUSSNA-TASNASTWILT     Ɣran-t : 22 n tikkal   Bḍu