Tcar-d teṛmist n Wemsaka n Lezzayer taɣsert tamezwarut n ṛṛadyu tumḍint s usekkir n T-DAB

Yeffeɣ-d ass n : Ttlata, 13 Fuṛaṛ 2018 10:29   Ɣran-t : 61 n tikkal
Tcar-d teṛmist n Wemsaka n Lezzayer taɣsert tamezwarut n ṛṛadyu tumḍint s usekkir n T-DAB

LEZZAYER TAMANEƔT – Tcar-d teṛmist n Wemsaka Anemgag n Lezzayer, deg Tmentfust (Lezzayer Tamaneɣt), taɣsert tanermit tamezwarut n ṛṛadyu tumḍint s usekkir n T-DAB, yernu taɣsert-a ad tebdu asgal ass n ttlata i lmend n wass anmaḍal n ṛṛadyu, ɣef wakken ay d-tenna teṛmist-a ass n letniyen tameddit deg yiwen n welɣu, am wakken ay d-terna dakken tamhelt-a d tikkelt tamezwarut aydeg ara d-tili deg Lezzayer.

« Aciri unṣib n teɣsert-a tanermit n 600 n yiwaṭen d win ara d-yilin deg wass anmaḍal n ṛṛadyu » yernu ad yettekki deg umahil n teṛmist n Wemsaka Anemgag n Lezzayer akken ad tbaḍ tasnatwilt-a n tsuta taneggart, ɣef wakken ay d-yenna welɣu n teṛmist-a ay d-yernan dakken iswi n uciri-a d aɛeddi seg wemsaka ametran n FM ɣer ṛṛadyu tumḍint takalant ».

Taɣsert-a ad tesseqdec tagnut n T-DAB (Terrestrial Digital Audio Broadcasting) ay yellan d tasenfelt taneggarut akk deg wesniger n FM umḍin.

Taṛmist n Wemsaka Anemgag n Lezzayer ad d-tessers 4 n tregwa n ṛṛadyu yernu ti d Targa 1ut, Targa Tis Snat, Targa Tis Kraḍt ed terga n Jil FM, yernu ad ten-temsaka deg tlemmast d wegmuḍ n Lezzayer Tamaneɣt, anda ara d-tḥaz 68% seg yimezdaɣen n twilayt n Lezzayer, ɣef wakken ay d-tenna teṛmist-a.

Tiɣiwanin ara d-tḥaz teɣsert-a, s umata, d Buṛǧ Lbeḥri, Daṛ Lbiḍa, Muḥemmadeyya, Ḥusin Day, Sidi Mḥemmed, Lezzayer Talemmast, Bab Lwad, Rrwiba d Rrɣaya, ɣef wakken ay d-yenna welɣu-a ay d-yerbnan dakken amesgal-a ad d-iḥaz daɣ aḥric tamdint n Bumerdas.

Last modified on Ssebt, 17 Fuṛaṛ 2018 16:13
Tcar-d teṛmist n Wemsaka n Lezzayer taɣsert tamezwarut n ṛṛadyu tumḍint s usekkir n T-DAB
  Yeffeɣ-d ass n : Ttlata, 13 Fuṛaṛ 2018 10:29     Taggayt : TADAWSA-TUSSNA-TASNASTWILT     Ɣran-t : 61 n tikkal   Bḍu