Yenqes usseqdec n yisejhaden deg wenrar n waddal

Yeffeɣ-d ass n : Letniyen, 12 Fuṛaṛ 2018 12:30   Ɣran-t : 175 n tikkal
Yenqes usseqdec n yisejhaden deg wenrar n waddal

SSƐIDA – Yenna-d uneɣlaf n tmeḍrit d waddal, El Hadi Ould Ali, deg terzi-nnes ɣef Ssɛida, ass n ssebt, dakken yenqes wemḍan n yinaddalen ay yesseqdacen isejhaden deg 5 n yiseggasen-a ineggura.

Mi yebda usarag amnaḍan ɣef usselɣu d wesḥulfu ɣef yisejhaden deg waddal, yenna-d uneɣlaf dakken aktamur n usseqdec n yisejhaden yenqes-d seg 3% deg 2013 ɣer 1,03% deg 2017.

Iwekked-d El Hadi Ould Ali ɣef wussisen ay iga uwanak akken ad yennaɣ mgal tarat-a ay izemren ad teswaɣ ama d tadawsa n yinaddalen, ama d taɣellist-nsen.

« Asseqdec n yisejhaden yezmer ad yeswaɣ igmaḍ iterrasanen d yimazdayen n yinaddalen », ɣef wakken ay d-yenna uneɣlaf ay d-yegren tiɣri i ugguccel n yifarisen ay yettwasemman d isemmaden n tuččit maca, deg tidet, ttuneḥsaben d isejhaden yernu zemren ad ḍurren tadawsa n yinaddalen. 

Iger-d daɣ Ould Ali tiɣri i ttawilat n yisalan akken ad ttekkin deg wesḥulfu d ussunnem ɣef tmijwin n usseqdec n yisejhaden deg waddal.

Last modified on Letniyen, 12 Fuṛaṛ 2018 15:47
Yenqes usseqdec n yisejhaden deg wenrar n waddal
  Yeffeɣ-d ass n : Letniyen, 12 Fuṛaṛ 2018 12:30     Taggayt : TADAWSA-TUSSNA-TASNASTWILT     Ɣran-t : 175 n tikkal   Bḍu