Anmager amnaḍan ɣef wesnegmu tesnatwilin n usselɣu deg tmura taɛṛabin ass n letniyen deg Lezzayer

Yeffeɣ-d ass n : Letniyen, 12 Fuṛaṛ 2018 12:23   Ɣran-t : 159 n tikkal
Anmager amnaḍan ɣef wesnegmu tesnatwilin n usselɣu deg tmura taɛṛabin ass n letniyen deg Lezzayer

LEZZAYER TAMANEƔT – Ad yebdu ass-a n letniyen, deg Lezzayer Tamaneɣt, wenmager amnaḍan n wesnegmu n tesnatwilin timaynutin n usselɣu deg tmura taɛṛabin, ɣef wakken ay d-yenna yiwen n welɣu n weɣlif n tnazent.

 Anmager-a ad yeḍḍef sin n wussan yernu yella-d i lmend n wesnas n tneɣtusin n usarag ay d-yellan deg Busan (Kurya n Wenẓul) deg 2014 yernu s uqader n yeɣtasen ay yettwaqeblen deg Usarag Anmaḍal n Wesnegmu n Teɣwalt Tanemgagt n Buenos Aires (Taṛjentint) deg 2017, ɣef wakken ay d-yerna welɣu-a.

 D Tanarit Tamnaḍant Taɛṛabt d Tdukli Tagraɣlant n Teɣwalt Tanemgagt ay yessuddsen anmager-a s usentel n « Tesnatwilin n Usselɣu d Teɣwalt i lmend n yeswiyen n unnegmu unzig », yernu iswi-nnes agejdan d aqeyyem n yiwehhiyen isnuddsanen ay d-yellan deg 2018-2021 ladɣa deg wayen yerzan izwuren imnaḍanen ay sɛeddan deg Buenos Aires yernu wi d tawennaḍt, abeddel n unezwi, taɣwalt tanemgagt deg tegnatin tuɛjilin, iriri n laman d tɣellist deg usseqdec n teɣwalt tanemgagt d tesnatwilin n usselɣu d teɣwalt, tadrimt tumḍint, Internet n tɣawsiwin, timdinin timegza, asfar d weṛmas.

 

 

Anmager-a ad t-id-teḍfer, gar 14 d 15 Fuṛaṛ, tnemselt tamnaḍant ɣef tesnatwilin timaynutin ara yeskeyden udmawen yeqqnen ɣer usseqdec n tesnatwilin timaynutin am Internet n tsuta tis 5 d tsenselkimt n usigna, yernu ad ttekkin deg-s yigensasen n Tdukli Tagraɣlant n Teɣwalt Tanemgagt, wid n Temɣunt Taɛṛabt, tideblin taɛṛabin d-yelhan s tesnatwilin n usselɣu d teɣwalt d yesdawanen, imnadiyen d yimeggiyen niḍen n wenrar-a.

Last modified on Letniyen, 12 Fuṛaṛ 2018 15:45
Anmager amnaḍan ɣef wesnegmu tesnatwilin n usselɣu deg tmura taɛṛabin ass n letniyen deg Lezzayer
  Yeffeɣ-d ass n : Letniyen, 12 Fuṛaṛ 2018 12:23     Taggayt : TADAWSA-TUSSNA-TASNASTWILT     Ɣran-t : 159 n tikkal   Bḍu