MIAMI, 23 Fuṛaṛ 2018 – Nnan-d kra n yemnadiyen, ass n lexmis, dakken ur d-qqimen ara yiysan iweḥciyen deg umaḍal ass-a, deffir ma gan tazrawt ɣef wadiyan (ADN) n useklu n timmarewt n twacult n yikelyisen (iysan).
CHANGSHA (Ccinwa) – Teḍra-d yiwet n tegrut tasenzikant i d-yefkan ttbut dakken imezdaɣ n tlemmast n Ccinwa tetten yakan rruẓ seg wugar n 7.000 n yiseggasen aya, i d-nnan yimidyaten idiganen. Smagin kraḍ n yiɛeqqayen n rruẓ yuɣalen d akarbun deg usmel n Gaomiao, deg yiwet n taddart yellan ɣer yidis Hongjiang, deg temnaḍt tacinwit n Hunan (talemmast n tmurt).
WASHINGTON – Yeḍra-d wufuɣ, ass n lǧemɛa, n sin n yimesnallunen ɣer berra n Teɣsert tallunant tagraɣlant akken ad ṣeggmen afus n teɣsert, ulac ugur i d-mlalen kra i yekkan berra.

Alluy n uswir n yigarawen la icekkeḍ

Ttlata, 13 Fuṛaṛ 2018 17:07
MYAMI – Tenna-d yiwet n tezrawt i d-iẓergen ass n letniyen dakken la icekkeḍ walluy n yigarawen, aswir n waman yezmer ad yali s 65 n yisantimitren sya ɣer taggara n lqern, d yiwen n uzwil i d-yemmezgen akked win n Yiɣlanen yedduklen i izemren ad yeglu s wuguren i temdinin yersen ɣef yiri n yillel neɣ agarawt.
LEZZAYER TAMANEƔT – Tcar-d teṛmist n Wemsaka Anemgag n Lezzayer, deg Tmentfust (Lezzayer Tamaneɣt), taɣsert tanermit tamezwarut n ṛṛadyu tumḍint s usekkir n T-DAB, yernu taɣsert-a ad tebdu asgal ass n ttlata i lmend n wass anmaḍal n ṛṛadyu, ɣef wakken ay d-tenna teṛmist-a ass n letniyen tameddit deg yiwen n welɣu, am wakken ay d-terna dakken tamhelt-a d tikkelt tamezwarut aydeg ara d-tili deg Lezzayer.
LEZZAYER TAMANEƔT – Taneɣlaft n Tnazent, Tliɣwalt, n Tesnatwilin akked Wumḍin, Imane-Houda Feraoun, tezzireg-d, ass n letniyen deg Lezzayer, deg umyiger amnaḍan n usnefli i Yiwunak aɛraben, dakken yessefk ad yili wugar n uckaḍ n useḍru akked useddu n tduli n Tesnatwilin n telɣut akked teɣwalt akken ad nessenɣes tafaṭurt tumḍint akked tiwḍin ɣer Yiswan n usnefli unzig (OMD).
LEZZAYER TAMANEƔT – Tebda tesseqdac temsetla taɣelnawt sin n yisuga imaynuten, yiwen d asagu n uqisi n yiɣisem, ma d wayeḍ d asagu n uqisi n tehyufin akken ad faqen ma yella anehhaṛ yeswa iɣisem neɣ yesseqdec tihyufin, yernu yella-d waya deg ukatar n ussetrer n ttawilat n uḥezzeb ɣef yisehwa n webrid, ɣef wakken ay d-yenna uɣella n tɣellist tabridant n temsetla taɣelnawt n Zzradla (tawilayt n Lezzayer).

Yenqes usseqdec n yisejhaden deg wenrar n waddal

Letniyen, 12 Fuṛaṛ 2018 12:30
SSƐIDA – Yenna-d uneɣlaf n tmeḍrit d waddal, El Hadi Ould Ali, deg terzi-nnes ɣef Ssɛida, ass n ssebt, dakken yenqes wemḍan n yinaddalen ay yesseqdacen isejhaden deg 5 n yiseggasen-a ineggura.
LEZZAYER TAMANEƔT – Ad yebdu ass-a n letniyen, deg Lezzayer Tamaneɣt, wenmager amnaḍan n wesnegmu n tesnatwilin timaynutin n usselɣu deg tmura taɛṛabin, ɣef wakken ay d-yenna yiwen n welɣu n weɣlif n tnazent.
LEZZAYER TAMANEƔT – La tettmahal teṛmist n Wemsaka Anemgag n Lezzayer (TDA) akken ad yessejhed tizemmar-nnes n wemsaka n ṛṛadyu s ussersi n yimesgalen imaynuten n FM deg wakk timnaḍin n wakal aɣelnaw, am wakken ay la d-tettheyyi amsaka umḍin n ṛṛadyu, ɣef wakken ay d-tenna, ass n lexmis, deg yiwen n welɣu.