Menu principal

Menu principal

Tiɣri i usekcem n wuẓu n tbiṭrabt n ssker deg Unẓul

Yeffeɣ-d ass n : Letniyen, 14 Ctembeṛ 2020 23:37   Ɣran-t : 97 n tikkal
Tiɣri i usekcem n wuẓu n tbiṭrabt n ssker deg Unẓul

WAD  SUF – Iga yiwen n umassan azzayri deg tkerrazt yiwet n tezrawt ideg d-yeɣra i wakken ad yili usekcem n wuẓu n tbitṛbt n ssker deg tkerrazt tasetratijant deg temnaḍin n Unẓul, s yisem-is d tibḍi n useɣnew n ubaɣur yellan beṛṛa n yiserɣan.

Ahmed Allali, d amnadi deg tkerrazt n uneẓruf yeɣra-d, s yisem-is d asefqad n tsekka-a n tkerrazt tamgurant deg umḍiq i umi qqaren Hobba, taɣiwant n Reggiba (agezdu n Wad Suf), iga yiwet n uswingem "s wazal-is" ɣef yimal n usekcem s anẓul n tsekka-a n tkerrazt almend n yigmaḍ itwilanen "yelhan" i d-yekkan seg ugama n temnaḍin-a.

Mennaw n termitin i gan ɣef tneflit n tkerrazt tasetratijant deg unẓul n tmurt, s usegrew n wallalen itwilanen akked wammasen n unadi akked tnarmin, almend n tsetratijit n yimal n Uwanak s usekcem n usegrer ussnan deg usnefli n tebḍitin n tkerrazin ara iḍemnen iɣbula ismernayen i tdamsa taɣelnawt, ɣef wakken i d-yenna umnadi-a.

Ɣef wakken i yettwali Mass Allali, taneflit n tkerrazt n tbitṛabt n ssker yessefk ad as-nefk azal, ladɣa seg i as-fkan yiduba inagduden acku tezmer ad tesseḥbes aǧaw n ssker, ilan tafaṭurt yewwḍen aseggas-a aneggaru ar 726 n yimelyunen n yidularen, ɣef wakken i d-nnan yisefka unṣiben n tmehla n tezrawin akked unadi n Yimsezgaren izzayriyen.

Last modified on Ljemɛa, 18 Ctembeṛ 2020 15:38
Tiɣri i usekcem n wuẓu n tbiṭrabt n ssker deg Unẓul
  Yeffeɣ-d ass n : Letniyen, 14 Ctembeṛ 2020 23:37     Taggayt : TIMNAḌIN     Ɣran-t : 97 n tikkal   Bḍu